The Definitive Guide to Living in the Capital , Cairo , Egypt

كافيهات
كيك كافيه

كيك كافيه: صمم كيكة على مزاجك فى الزمالك

  • 14 شارع الشيخ المرصفي
  • مخبوزات وحلويات
تم التقييم بواسطة
Anne de Groot
قيم
قيم الآن
كيك كافيه: صمم كيكة على مزاجك فى الزمالك

فى سنة 2010 تيفولى دوم الموجود فى هليوبوليس
كان أكبر مجمع مطاعم طبقًا لموسوعة جينيس للأرقام القياسية. لكن فى حالة لو المسئولين بتوع موسوعة جينيس قرروا
يحدّثوا تصنيفاتهم إحنا بـ نرشح لهم منطقة الزمالك كلها. مجموعة الأماكن الموجودة هناك
مالهاش حصر ومعظمها قريب قوى من بعض. أحدث إضافة للأماكن دى هو «كيك كافيه» اللى
فتح جنب مركز الجزيرة للفنون وقريب من “بينوس كافيه”.

“كيك كافيه” متخصص أنه يعمل كيكات حسب الطلب،
ده بالإضافة لـ كب كيكس، كوكيز وساندويتشات. مساحة المكان صغيرة شوية، فى الدور
الأول فيه ثلاث ترابيزات مع شوية فى الدور الثانى. أول ما تدخل هـ تشوف كيكات شكلها جميل معروضة
فى علب زجاج. لو كنتى عروسة يبقى هـ
تقضى وقت جامد هنا علشان كل الكيكات مُزيّنة بورود أشكال ثانية مناسبة للأفراح.
كمان قسم كامل للكوكيز المقطعة لأشكال كثير زى شكل دببة، لكن الكوكيز بـ تبقى
غالية شوية وسعرها بـ يبقى 20 جنيه للقطعة.

الدور الثانى فيه رف عليه كتب متنوعة تقدر تستمتع بها فى
وقت زيارتك للمكان. كوب كابتشينو هـ
يكلفك 20
جنيه، وده سعر مناسب علشان دي كانت واحدة من أحسن المرات اللى نشرب فيها كابتشينو
فى القاهرة، القهوة كانت قوية والطبقة اللى على الوجه كانت سميكة (نصيحة كايرو 360:
لو عاوز تختبر سُمك طبقة الرغوة حط الملعقة فوقها، لو الملعقة ما غطستش يبقى كده
تمام).

كمان جربنا فطيرة التفاح apple pie (24 جنيه) لكن ما كانتش لها طعم قوى، وكانت
مفتقدة الطعم اللاذع المنعش المميز للتفاح السخن، والطبقة الخارجية المقرمشة كانت
ناشفة وجافة قوى. كيكة الشوكولاتة (26 جنيه) شكلها كان تحفة بس طعمها
عامل زى كيكة بيتى كروكر الجاهزة. وعلشان دى الكيكة الوحيدة اللى ممكن نعملها بنفسنا،
فـ بقينا نقدر نميز الاختلافات، و بـ26  جنيه ممكن كنا عملنا كيكة
كاملة بدل ما نجيب قطعة واحدة. لوح الكريز cherry crumb bar (22 جنيه) برضه كان محبط شوية. شكله
كان لذيذ لكن برضه كان جاف ورغم أننا كنا شايفين الكريز اللى كان كثير فى القطعة
لكن ما حسيناش بطعمه.

رغم أن المكان صغير، لكن الموظفين كانوا بـ يأخذوا وقت علشان
يجيبوا الطلبات. لكن فى نفس الوقت كانوا ودودين جدًا. الزحمة الموجودة طول اليوم
غالبًا بـ تكون من السيدات الكبار وأمهات مع أطفالهم. نقدر نقول أن كيك كافيه مكان
لطيف تقدر تشرب فيه قهوتك مع قطعة من الكيك، بس فى نفس الوقت محتاج شوية شغل، خصوصًا
من ناحية الوصفات.

نصيحة 360

أوعى دماغك تتخبط فى السلم وأنت طالع.

أحسن حاجة

الكابتشينو كان تحفة.

أسوأ حاجة

الكيكات كلها كانت جافة.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح