The Definitive Guide to Living in the Capital , Cairo , Egypt

مانش & بيجل – Munch & Bagel

مانش & بيجل: مخبوزات وحلويات فريش في الزمالك

تم التقييم بواسطة
Angie El Batrawy
قيم
قيم الآن
مانش & بيجل: مخبوزات وحلويات فريش في الزمالك

محلات المخبوزات فى منطقة الزمالك
كثيرة: أشهرهم «تي بي إس –
TBS»،
و«سيموندس –
Simonds»،
و«مونجينيز –
Mongini’s»
إلى جانب واحد من أفضل محلات المخبوزات «مانش
& بيجل – Munch & Bagel».     

في شارع طه حسين عند الناصية
المواجهة بزاوية مائلة أمام اليمامة سنتر هـ تلاقي محل مخبوزات “مانش
&.
بيجل” في مكان ممكن ما تلاحظوش من أول مرة، المحل صغير جدًا ومساحته كمان من
الداحل صغيرة، يا دوب فيه ترابيزتين للجلوس وبار طويل بكراسي طويلة على الجنب
للجلوس برضه في واجهة الكاونتر اللي بـ تختار منه أنت هـ تأكل إيه.

مسكنا المنيو وما عرفناش نبدأ
منين، ممكن هناك تشتري عيش حاف عادي أو ممكن تعمله ساندويتش بمكونات من اختيارك من
أنواع الجبنة والخضار اللي عندهم، العيش كان محطوط على الجنب ومغطى علشان كده كنا
متلخبطين، اختارنا عيش الباجل بالجبنة الرومي عليه من فوق، وللحشو اختارنا جبنة
فيلادلفيا ومعاها خس وتركي (24 جنيه)، كان روعة لما ذقناه وشكله أصلاً بحجمه جامد
وكبير جدًا يشبعك.

“مانش & بيجل” عندهم كمان مافن
وكوكيز وكب كيك سادة وبقطع الشوكولاتة، وأمريكان بان كيك بالزبدة والعسل ووافلز،
اختارنا كب كيك وكوكيز الاثنين بقطع الشوكولاتة (الواحدة بـ 8 جنيه) وكان طعم
الكوكيز حلو لكن طرية وإحنا بـ نحبها جامدة شوية، والكب كيك كانت مخبوزة تمام وقطع
الشوكولاتة بـ تذوب في فمك لما تأكلها مع الكيك.

هناك كمان ممكن تجيب مشروبات سواء
فريش أو ساخنة زي الأسبريسو واللاتيه والكابتشينو وكمان فيه سلاطات مختلفة إلى
جانب إمكانية أنك تعمل سلاطتك الخاصة من اختيارك. 
    

فرع المحل في الزمالك عنده خدمة
توصيل لمناطق المهندسين، الزمالك ووسط البلد فقط، وفيه هناك إنترنت
Wi-Fi، والمحل مفتوح من 8 الصبح لحد 12
بالليل ماعدا الخميس بـ يفضل مفتوح لحد الساعة 1 الفجر. المكان جميل والولد اللي
كان بـ يعمل لنا الساندويتشات وجهه سِمح ومتعاون وكمان المخبوزات أجمل، ما ضايقناش
في زيارتنا غير بس صوت المازيكا الصاخبة اللي ما كانتش متناسبة مع توقيت زيارتنا
للمكان الصبح بدري كان المفروض أو الأفضل يشغل موسيقى هادئة. لكن لو عاوز تروح
تفطر فطار حلو وتستمتع به لازم تعدي على “مانش
& بيجل” قبل ما تروح شغلك أو
تحلي فمك بحلوياتهم على مدار اليوم.

نصيحة 360

فيه فرع ثاني للمحل في المعادي.

أحسن حاجة

مخبوزات ومشروبات وسلطات فريش وحلوة تفتتح بها يومك.

أسوأ حاجة

صوت المزيكا العالي، ضيق مكان الجلوس. 

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح