The Definitive Guide to Living in the Capital , Cairo , Egypt

نولا كب كيكس – Nola Cupcakes

نولا: الكب كيكس تنتشر وتغزو المعادى فى هدوء

تم التقييم بواسطة
Nabeela Akhtar
قيم
قيم الآن
نولا: الكب كيكس تنتشر وتغزو المعادى فى هدوء

إيه حكاية  الكب كيكس مع القاهرة؟ هل
مجتمع القاهرة بعد الثورة بـ يحاول يقضى الأوقات الصعبة دى بأنه يأكل كميات من
الحاجات المسكّرة علشان يتبسط؟ أو ممكن ده يكون ستايل حياة، زى أنه يخرج ويروح
محلات بـ تبيع أكسسوارات ألوانها وأشكالها مبهرة، بس علشان يتفرج ويقول أنها جميلة
قوى.

حاجة واحدة أكيدة، «نولا» مش بس أعمال فنية ظريفة. لكنه بيزنس خاص بالعائلة
بـ تديره ليلى وعادل صدقى، وهم أكيد لهم ذوق عالى قوى. من قريب فتحوا فرعهم الثانى
فى منطقة المعادى المليانة أشجار، أضافة لطيفة لعدد محلات المخبوزات الموجودة فى
شارع 9.

ستايل المكان بـ يجمع بين القديم (الريترو) وبين الروشنة، مع اللون التركواز
الفاقع المنتشر فى المكان، والموجود على الشنط وعلى تغليف الطلبات. ستاند لكوبايات
الشاى وستاند كيك كبير في الفترينة هـ يشد انتباهك ويخليك عايز تدخل.

أول ما تدخل نولا هـ تحس أنك رجعت طفل صغير. رائحة العيش الطازة
وألوان المعروضات هـ تصحى كل حواسك، ومستحيل على إنسان أنه يقاوم
الشعور بالإثارة في مكان زي ده. أطباق صينى مزخرفة بـ تزين الحائط، وكاونتر من
الخشب الغامق والزجاج بـ يحسسك أن المحل واسع، وممكن يكون مستوحى من محلات  فورتنم وميسون العتيقة فى لندن.

الموظفين لابسين زى موحد لونه أسود مع كاب عليه شعار نولا. هـ يقدمولك أى مساعدة تحتاجها وعندهم صبر أنهم
يشرحولك كل الأسامى و النكهات، ولو كان حظك حلو، هـ تدوق عينة بـ بلاش من آخر ابتكاراتهم.

 الكيكات المتغطية بآيسينج متنوع
بدءاً من كب كيك red velvet  الشهيرة، المكونة من كريمة
الجبنة على قاعدة غنية بالطعم، وكمان cookie dough اللى بـ يكون عليها من
فوق قطعة كوكيز كاملة متكسرة. إختراعات ثانية زى نوتيللا تويكس، تيراميسو، وأنواع
ثانية هـ 
تخليك مش قادر تمسك نفسك. الأسعار بـ تبدأ من 8.5
لـ 13
جنيه للكيكة وبـ تيجى فى علب شيك مرسوم عليها أشكال خزفية، تنفع قوى للهدايا.

كل كيكة بـ
تكون خفيفة وطرية وفيها كمية كريمة “آيسينج” مظبوطة على الوش أو طبقة من
الزبدة. لكن الطبقة اللى على  cookie dough كانت مسكّرة زيادة، الأحسن
كان السطح الغنى بالكريمة لـ red velvet وطبقة الفاكهة على كب
كيكس البلوبيرى. علشان تجرب حاجه ممتعة، جرب نكهة زبدة الشوكولاتة بالسودانى، بـ
قوامها الخفيف الأسفنجى مع خليط من نكهات مختلفة هـ تضمنلك أن حاسة التذوق عندك تبقى صاحية.

لو بـ تعانى من الحساسية جرب التشكيلة اللى مافيهاش مكونات تسبب الحساسية.
نولا كمان بـ يدعم قضايا محلية عن طريق التبرع بكل عائد مجموعة من الكب كيكس لـ
عمل أو مشروع خيرى.

نولا يعتبر بوتيك بـ يبيع كب كيكس وعنده توصيل الطلبات لو حاسس أنك كسلان. يعتبروا
كمان هدايا ممتازة حجمها صغير كفاية أنها تبسطك من غير إسراف. لكن فى الوقت اللى بـ
نكتب فيه الكلام ده، الحاجة الوحيدة اللى ناقصة فرع المعادى كان مكان للقعدة، ودى
حاجة مهمة لو عايز تستمتع بـ حلوياتك مع كوباية شاى.

نصيحة 360

روح قبل العصر علشان تلحق الكب كيكس الحلوة قبل ما يخلصوا.

أحسن حاجة

 التشكيلة الكبيرة من الكب كيكس وكمان خدمة التوصيل.

أسوأ حاجة

مفيش مكان للقعدة.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح