The Definitive Guide to Living in the Capital , Cairo , Egypt

كافيهات
يوجيز – Yoggy’s

يوجيز: اعمل زبادى مثلج لذيذ بنفسك فى مول العرب

  • مول العرب، أمام بوابة 2، ميدان جهينة
  • ألبان وآيس كريم
  • 10 ص: منتصف الليل -
تم التقييم بواسطة
Haisam Awad
قيم
قيم الآن
يوجيز: اعمل زبادى مثلج لذيذ بنفسك فى مول العرب
فى القاهرة، وفى منطقة الشرق الأوسط عمومًا، حرارة الصيف الفظيعة تسببت أن الآيس كريم وأى حلويات مثلجة يبقوا فى نفس أهمية البترول والحرية السياسية والكهرباء، وكل دي موضوعات حيوية مهمة.

«يوجيز» موجود فى جنة التسوق اللى يوم بعد يوم بـ تتوسع فى مول العرب الموجود فى مدينة 6 أكتوبر علشان يقدم أجمل الحلويات. المحل المتخصص فى الزبادى المثلج بـ يقدم لكل القاهريين الفرصة أنهم يعملوا خلطات على مزاجهم باستخدام نكهات مختلفة من الزبادى مع مجموعة مبهرة من الطبقات والإضافات الغنية بالألوان والقوام المتماسك.

المكان فى يوجيز يشبه نوعًا ما معمل بسيط ومتطور موجود فى القطب الجنوبى. الإضاءة الكئيبة بـ تعوضها النقوش الملونة اللى بـ تشدك لجو من الفراغ والمفاجأة كانت أن الموضوع مريح، المكان نظيف ومعقم وبسيط.

فى آخر المكان ماكينات كثيرة موجودة فى ركن، كل واحدة منهم بـ تقدم نكهة من الزبادى المثلج. من الاختيارات الموجودة: الكسترد، والفستق، والتوت البرى والشوكولاتة. زبائن المحل يقدروا يجربوا النكهات فى أقماع صغيرة كعينات ويقدروا يشتروا من النكهات اللى عجبتهم أكواب أكبر علشان تشبع شهيتهم.

يوجيز ما بـ يقدمش آيس كريم على أنه زبادى مثلج، علشان أول ما تسحب يد الماكينة هـ ينزل زبادى سميك، وطرى وخفيف. فكرة أن الزبادى خالى من الدسم هـ تضايق ناس كثير علشان بـ يبقى ناقصه اللسعة المسكرة. أقوى نكهة منهم على الرغم من كده كانت الشوكولاتة علشان سميكة وطعمها لا يقاوم.
أول ما تملأ كوبك، الإضافات والطبقات الموجودة على شكل بوفيه السلاطات هـ تشدك غصب عنك. الإضافات السابقة شاملة كل حاجة من قطع المارشميللو الصغيرة والدببة الجيلاتينية إلى مجموعة الحبوب وقطع الفاكهة.
أى إحساس بالحماس عندك لازم تتحكم فيه وأنت فى مرحلة اختراع طلبك. رغم إحساسك أنك رجعت زى طفل صغير فى محل حلويات، لكن نجاحك فى الحصول على منتج نهائى كويس بـ يتوقف على القرارات اللى هـ تأخذها دلوقتى. أوعى تتخدع بالألوان الجميلة والقوام، حاول تربط بين المكونات بشكل علمى. زبادى شوكولاتة مع الدببة الصمغية.. مرفوض. زبادى التوت البرى مع قطع الموز.. كمان مرفوض.
زبادى كسترد مع أى نوع من الحبوب أكيد شغال. ونفس الكلام ينفع على زبادى شوكولاتة مع المارشميللو وزبادى الفستق مع صوص الشوكولاتة. وأكيد تقدر تخليك فى الأمان وتأخذ الزبادى السادة.
رغم كده، خلى بالك هـ تدفع كام فى الآخر. كل اختيار بـ يتحسب على أساس الوزن: 100جرام هـ تكلفك 19 جنيه. وسهل قوى أنك تتفاجئ لما الرقم يظهر 60 أو 70 جنيه عند الكاشير.

نصيحة 360

يوجيز بـ يقدم خدمة التوصيل داخل مدينة 6 أكتوبر. اتصل على 01091600208

أحسن حاجة

الخلطات عددها لا نهائى.

أسوأ حاجة

الخوف وأنت منتظر العداد وهو بـ يطلب منك سعر غريب ثمن لتحفتك الفنية.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح