The Definitive Guide to Living in the Capital , Cairo , Egypt

يورو ديلي – Euro Deli

يورو ديلى: إفطار باسترخاء فى الهواء الطلق فى المعادي

  • 35 شارع 232
  • عالمي
  • 0225170035,01224147308
  • 8 صباحاً - 2 صباحاً
تم التقييم بواسطة
Hannah Cooper
قيم
قيم الآن
يورو ديلى: إفطار باسترخاء فى الهواء الطلق فى المعادي
فى مدينة مليانة بالتراب والمبانى الأسمنتية مشكلة أنك تأكل أو تقعد فى كافيه فى الهواء الطلق ويكون أمامك مثلاً شوية مساحات خضراء علشان تستمتع بها، وده اللى بـ يخلينا ملتزمين بالذهاب لأماكن معينة تعودنا عليها، لكننا فى كايرو 360 أول ما بـ نسمع عن أماكن من النوع ده ما بـ نترددش نقول لقرائنا عليها.

تفاجئنا بمكان «يورو ديلى» الجديد الموجود فى شارع هادئ فى دجلة المعادي، الجو فيه بـ يوحي بالاسترخاء وفيه تنويعات مختلفة للقعدات، مساحة القعدة الخارجية كبيرة ومحاطة بأشجار وشجيرات صغيرة، الترابيزات محطوطة تحت أشعة الشمس وتحت الساحة المغطاة وفى الداخل فيه ترابيزات عالية وكراسي بار طويلة بـ تطل على الساحة.
بـ يفتح الساعة 9 صباحًا، يعتبر المكان مميز جدًا لإفطار جامد فى الويك إند، وكمان ممكن يتعمل فيه مقابلات عمل أو تخلص فيه شغلك على اللابتوب.
قبل ما نتكلم عن الأكل لازم نؤكد على أهمية جملة “الصبر جميل”، هناك –زي أماكن كثيرة نعرفها- طاقم العمل بـ يختفى لوقت طويل وبالتالى فكرة أننا نلاقى حد أو ننادي عليه صعبة.
بشكل عام المنيو عبارة عن تشكيلة من الأكلات الخفيفة فى قوائم الإفطار، والمقبلات والسلاطات (تبدأ من 14 إلى 30 جنيه) وتشكيلة كبيرة من الساندويتشات (من 16 إلى 28 جنيه) البيتزا (من 18 إلى 28 جنيه)، أطباق رئيسية زي الستيك وأطباق الدجاج (من 20 إلى 54 جنيه) وأهم شيء بالنسبة لنا الحلويات (من 7 إلى 24 جنيه).
كان متاح فى المشروبات اختيارات للقهوة منها أكسبريسو دوبيو بـ 14 جنيه، ميلك شيك، كوكتيل، وعصائر فريش، بـ 12 جنيه جربنا عصير ليمون فريش بس كان عادي، على الرغم أننا سمعنا أن اختيار عصير الفراولة أفضل دائمًا.
ولأننا كنا رايحين المكان علشان نفطر اختارنا أومليت فلورنتين بـ 14 جنيه، كان نازل مع الأومليت شريحتين صغيرين من الشمام، وشريحتين توست وطبق جانبي من البطاطس ومعاها كمان صوص البيستو، الأومليت كان بسيط مليان كمية كبيرة من السبانخ والبصل المسلوق والجبنة الموتزاريلا، والبطاطس المحمرة معاها كانت لذيذة.
فى وقت الغذاء من الأصناف المفضلة هناك الفتوش (14 جنيه)، سمبوسك ميكس (16 جنيه) وساندويتش الفيلادلفيا بالفراخ (24 جنيه)، وأخيرًا وليس آخرًا ما نقدرش ننسى الشوكولات فوندو (24 جنيه) اللى كان هش ومليان فادج وبـ ينزل معاه بولة آيس كريم فانيليا مثلجة، وكمان الشوكولاتة الموجودة أعلى الكيك كميتها دائمًا غنية، ما ينفعش تفوتها من الآخر.

نصيحة 360

"يورو ديلى" عندهم خدمة توصيل للدقى، ووسط البلد، وجاردن سيتي، والجيزة، والمعادي، و المهندسين، والزمالك من غير حد أدنى للطلبات أو قيمة لخدمة التوصيل.

أحسن حاجة

الأكل فى الأماكن المفتوحة بـ يبعث الفرحة والابتسامة.

أسوأ حاجة

الخدمة البطيئة.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح