The Definitive Guide to Living in the Capital , Cairo , Egypt

Z9 (زيدان) بلاي ستيشن ولاونج

«Z9 (زيدان) بلاي ستيشن ولاونج»: أكل وألعاب في الدقي

تم التقييم بواسطة
Haisam Awad
قيم
قيم الآن
«Z9 (زيدان) بلاي ستيشن ولاونج»: أكل وألعاب في الدقي

لاعب الكرة “محمد زيدان” عامل مكان جديد في
الدقي على اسمه: «زيدان أو
Z9 بلاي ستيشن ولاونج». وده واحد من أماكن
قليلة قوي بـ تقدم النوع ده من الخدمات، وشكله هـ يبقى مكان معروف جدًا
.

كل حاجة في «Z9» لامعة زي صاحبه، لو أخذتم
بالكم من جزمه الملونة، أو حلقات شعره اللي أغلب الأوقات بـ يبقى لها فن وأشكال.
الحوائط لونها أبيض، والأرضيات من الخشب ولايقة مع الكنب الكبير الأحمر أو الأسود
اللي بـ تغطس فيهم وأنت قاعد
.

فيه غرفة فيها 3 شاشات LCD كبيرة على الحائط، ومعاهم قعدة مكونة من
كنبة لفردين ومعاهم 2 كرسي من غير ظهر
.

قالوا لنا أن حجرة الـ VIP ممكن تستوعب 12 شخص، بس لمّا بصينا عليها
ما حسيناش بكده. فيها كنبة لـ 3 أفراد، وكرسيين، وكذا كرسي من غير مسند ظهر. في
النصف فيه شاشة 62 بوصة وبلاي ستيشن 3، ومشغل دي في دي، وريسيفر دش وكلهم متوصلين
بالشاشة. من النادر أنك تلاقي عدد كبير متجمع علشان يلعبوا ألعاب فيديو، فالغرفة
ممكن تستخدم للحفلات الخاصة أو العروض الخاصة لماتشات الكرة
.

لو مساحة الحجرة الـ VIP كبيرة عليك، فيه غرف ثانية أصغر بس برضه
خاصة، غير كمان حجرة لعبة النينتندو ويي؛ وكل غرفة منهم لها حمامها
.

بالنسبة للمكان عبارة عن لاونج للبلاي ستيشن، عدد الألعاب
المتاحة للعب هناك قليلة. وراء المكتب الأمامي في منطقة الاستقبال الكبيرة، هـ
تلاقي رفوف كثيرة على الحائط عليها شوية ألعاب بس مش كثيرة قوي. متوفر هناك كمان 3
نسخ من آخر أجزاء ألعاب الكرة “فيفا” و”برو إيفولوشن سوكر”،
ودول أكثر ألعاب معروفة ومحبوبة
.

بالنسبة للأكل، البيتزا هـ تبقى ما بين 25 جنيه و30 جنيه،
وطبق المقبلات اللي اسمه
“Z9”  فيه كمية
صغيرة بس مشبعة من أصابع الفراخ، أصابع جبن الموزاريللا المقلية، المشروم المقلي،
ومعاهم صوص كوكتيل. منيو الحلو فيه براونيز الشوكولاتة (24 جنيه)، تشيز كيك (24
جنيه)، و8 جنيه لبولة الأيس كريم وحاجات ثانية، وأسعار الكوكتيلات بـ تتراوح بين
14 و18 جنيه. العاملين هناك ودودين وخدومين، والمشروبات والمأكولات مش بـ تأخذ وقت
.

لو رايح لوحدك، ساعة من اللعب هـ تكلفك 20 جنيه، إنما لو أنتم
2 أو أكثر هـ تدفعوا 30 جنيه للساعة. حجرة الـ
VIP بـ تكلف ضعف المبلغ بالضبط؛ 40 جنيه في
الساعة للفرد الواحد، و60 جنيه في الساعة للمجموعات من 2 أو أكثر
.

رغم أن المبدأ بسيط، لكن Z9 هو محاولة لعمل نسخة أحسن من خدمة قديمة.

نصيحة 360

مشاهدة مباريات الكرة في أوربا على الشاشة الـ 62 بوصة هـ يكلفك 120 جنيه. روحوا مجموعة مع بعض وهـ يبقى السعر مناسب.

أحسن حاجة

مكان للألعاب حلو ومحترف.

أسوأ حاجة

تشكيلة الألعاب نطاقها ضيق، ممكن تجيب معاك لعبتك الخاصة لو عاوز.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح