The Definitive Guide to Living in the Capital , Cairo , Egypt

بـ تتفاجئ أمانى من عرض زوجها وتأكيده لها بأن من حقها ترفض فى حين أنه كان ممكن يرفض هو من الأصل عرض زوجته الثانية، لكن أمانى بـ تفاجأه وبـ تقبل العرض وبـ تطلب تقابل رجاء للتفاوض على الصفقة، وطبعًا بـ يقوموا ببعض التزوير علشان العمليات اللى من النوع ده ممنوعة فى مصر.
هنا بـ يدور حوار بين وليد وابنه الأكبر عن مدى حرمانية تأجير الرحم والفتاوى اللى حرمته بناء على الحديث الشريف اللى بـ يقول أنه هـ يأتى زمن هـ تلد الأمة ربتها، وبعض الفتاوى الثانية اللى حللته بناء على أن الحمل زى الرضاعة يعنى ممكن أم تحمل جنين غيرها وتبقى أمه بالحمل زى ما ممكن لسيدة أنها ترضع ابن غيرها وتبقى أمه بالرضاعة.
الفكرة شائكة جدًا وكل شخصية من شخصيات العمل لها رأيها وحجتها وفى ظل الأحداث الشيقة والمضطربة بـ ينتهى الحدث بموقف غير متوقع من وليد الزوج المزدوج اللى بـ يفضل لغز غريب على مدار الأحداث وبـ يتعامل مع الزوجتين بسيكولوجية معقدة وغير مفهومة.
“الأمة تلد” جيدة جديرة بالقراءة وهـ تخليك تتعاطف مع كل جانب من الشخصيات ومع كل رأى، كتبتها إيمان الدواخلى بوضوح وسلاسة وبشاعرية شديدة فى نفس الوقت.