The Definitive Guide to Living in the Capital , Cairo , Egypt

في القاهرة
فيه مطاعم كتير قوي بـ تقدم كباب وكفتة ومزات بس مطاعم قليلة اللي بـ تقدم النوعية
دي من الأكل أفضل من غيرها، و«أبو شقرة- Abou Shakra» واحد منهم. «ابو شقرة»
كان معروف زمان أنه من احسن المطاعم اللي بـ تقدم الأكل المصري
بجودة عالية.

إبدأ أكلك بـ
شوربة عدس بـ6 جنيه، وبـ يجي معها ليمون عشان يـ ضيف ليها المزازة الحلوة، والطحينة،
بابا غنوج، وسلاطة طازة كلهم بأقل من 10 جنيه، الطحينة وبابا غنوج كان قوامهم
سميك وحلو، أما الحمص فآخر مرة زرنا فيها «أبو شقرة» كان ناشف جداً وكان صعب
جداً ان إحنا نأكله مع العيش الصابح الرائع بتاعهم.

رغم إنهم بـ
يقدموا ميكس جريل وكبيبة رائعين بس إحنا بـ نفضل الفراخ المشوية بـ23 جنيه، طعمها
كان حلو وكانت طرية وخفيفة والطبق بـ يجي مع طبق جانبي من اختيارك من البطاطس المقلية
اوالخضار السوتيه او الأرز، لطبق أغنى شوية ممكن تطلب البط بـ يتقدم مع طبق
مليان أرز بالبهارات والحبهان، طبق نص بطة بـ48 جنيه طعمه حلو بس غالي شوية بالنسبة
لطبق رئيسي. وكمان فيه ديك رومي مشوي ورول فراخ ولحمة وكفتة وسعرهم ما
بين 30 لـ60 جنيه.

«أبو شقرة»
فرع المعادي موجود في شارع اللاسلكي، المطعم دورين كله شبابيك كبيرة، تقدر تـشوف
منه الشارع وديكور المحل فخم قوي، وقطع الفرش ضخمة وأنيقة، بس عاملة زحمة في
المكان. فيه مخدات وكراسي مبطنة وعالية وألوانها ذهبي وبرتقالي.الغريب أن فيه أسانسير
في المطعم عشان يطلَّع الناس الدور الثاني بس مش بـ ينزل للدور الأول لما الناس
تخلص أكل وده شىء غريب جداً.