The Definitive Guide to Living in the Capital , Cairo , Egypt

أبو طارق

أبو طارق: ملك الكشري في وسط البلد

  • 16 شارع شمبليون
  • مصري
  • 0225775935
  • 7 صباحاً - منتصف الليل
تم التقييم بواسطة
Aleksandra Sekinger
قيم
قيم الآن
أبو طارق: ملك الكشري في وسط البلد

مطعم
كشري في وسط البلد وعالمي؟!
أيوة،
عالمي. «أبو طارق» هو المطعم الوحيد في القاهرة اللي إتعمل عليه تقرير على قناة
CNN! «أبو
طارق» فتح في سنة 1950، وبقى أشهر محل في القاهرة لأكتر أكلة شعبية في مصر.

أول ما توصل هـ تستغرب من كتر ما الخدمة
هناك سريعة جداً، في خلال خمس دقايق هـ تكون قعدت، وطلبت الأكل وإبتديت تاكل كمان!
وبـ تكون حاسبت كمان لانك في «أبو طارق» بـ تحاسب قبل الأكل. الويترز بـ يبقوا
سريعين جداً ومتقنين شغلهم. المنيو بتاع «أبو طارق» مافيهوش غير طلب واحد بس: الكشري،
فالإختيار الوحيد اللي هـ تختاره هو الحجم، إما بـ (5 جنيه)، (7 جنيه)، أو بـ (10
جنيه).

السبب اللي مخللي «أبو طارق» هو اللي
مكتسح سوق الكشري في القاهرة، أنه الكشري بتاعه على طول بـ يبقى طازة. كمية
الزباين اللي بـ تدخل وتخرج قدامك وانت قاعد في المحل ومعاها كمان أطباق تيك آواي،
تأكدلك ان أكله مش بـ يلحق يقعد عنده ودايماً بـ يبقى طازة أول بأول.

المكرونة والرز في الكشري بـ يبقوا
مسلوقين مظبوط، لكن السر الكبير لطعامة الكشري عنده هو كثافة قوام الصلصة، قرمشة
التقلية، وكل التحابيش اللي موجودة قدامك على الترابيزة، الشَطَة والدَقَة.

و الحاجات دي مش هي بس السبب انك تروح
هناك، إنما كمان منظر الترابيزات المعدن، الزرع الصناعي، والتكييف الجامد وده بـ
يدي جو شعبي أنتيكة له مكانه في القلب. و غير كل ده بقى، لو طَولت شوية هناك أكيد
هـ تسمع أغنية «أبو طارق» اللي عاملها شعبان عبد الرحيم على النغمة الشهيرة بتاعته:
“بحب كشري أبو طارق، وبحب كشري أبو طارق، وإييييييه”.

وممكن تاخد معاك كمان وانت مِرَوَح طبق
كشري «تيك أواي»، وبـ يحطولك ساعتها الشطة والصلصة بره عشان المكرونة ماتِعَجِنش.

نصيحة 360

  جربوا الرز باللبن أو المهلبية بـ2 جنيه.

أحسن حاجة

«أبو طارق» أحسن محل كشري في كل حاجة، سواء في السرعة، الطعم الحلو، وكمان بـ يشبع قوي لدرجة إنك هـ تخلص طبقك بالعافية.

أسوأ حاجة

«أبو طارق» بـ يبقى قافل في رمضان.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح