The Definitive Guide to Living in the Capital , Cairo , Egypt

أريج

أريـﭺ: أكل سوداني شهي ومش غالي في الدقي

تم التقييم بواسطة
Anne de Groot
قيم
قيم الآن
أريـﭺ: أكل سوداني شهي ومش غالي في الدقي

بقالنا كام
أسبوع بـ نسمع إشاعات أن فيه مطعم بـ يقدم أكل سوداني وأثيوبي شهي في مكان ما في
الدقي، نزلنا الشارع ندور عليه هو فين ونسأل كل من هب ودب لو كان سمع عنه أو يعرف
أراضيه، الموضوع كان أشبه بمغامرة البحث عن كنز. ولما لقيناه أفضل لحظة بعد انتظار
هى لحظة ما تطلب الأكل بتاعك وتستنى طبقك وتذوقه.

«أريـﭺ» مطعم
أكلات سودانية موجود بالقرب من محطة مترو الدقي في شارع النجار الصغير الموجود جنب
مطعم «حسونة»،
طبعًا كل متخصصي الجغرافيا عارفين أن السودان بـ تشارك الحدود مع شرق أثيوبيا،
وعلشان كده مطبخ وثقافة البلدين فيهم حاجات مشتركة. المكان شكله تقليدي، فيه فتحة
كبيرة وكراسي بلاستيك وفيه شاشة تليفزيون صوتها عالي قوي، المنيو هناك متمثل في
“أم محمد” وفي نفس الوقت هى الطباخة الرئيسية هناك! لما طلبنا من
الجرسون المنيو جاءت لنا وقالت لنا على كل الأصناف بنفسها، اختارنا أصناف مختلفة
بشكل عشوائي ووعدونا بأطباق استثنائية.

الأكل أخذ
تجهيزه وقت شوية لكن دي علامة كويسة أن الأكل متحضر طازج مش بايت وهما سخنوه، لما
أم على أخيرًا ظهرت بالأطباق اللي طلبناها كنا في قمة السعادة، “الرجلة”
ودي عبارة عن سبانخ كانت وهمية وطازجة ومشطشطة شوية، كمان التهمنا بشغف سلاطة
أسواد اللي كانت عبارة عن باذنجان وحبوب السمسم، كان طعمها أشبه بالطحينة أو
البابا غنوج. وحسينا بالمطبخ الأثيوبي لما ذقنا “الزيغني” وده عبارة عن
بيف في صوص مشطشط وطعم طماطم، حتى لو أنت مش من هواة الأكل الحراق لازم تجربه،
جربنا كمان “فانيا بطاطس” وده عبارة عن طبق بطاطس ولحمة مقطعة شرائح، البطاطس
كانت طعمها رائع ومسلوقة كويس جدًا، ووقت لما كنا فاكرين أننا أكلنا أفضل الأطباق
في المكان أفحمتنا أم محمد وطلعت لنا بطبق “لحم الشاه”.. بكل المقاييس
ده أفضل لحم مشوي أكلناه من فترة طويلة، ولا تقولنا فرنسا ولا إيطاليا ولا أي بلد
ثانية.. بجد السودان تفوقت على نفسها. أفضل جزء كمان في الأطباق أنها على شكل عيش
خفيف، يعني أنت بـ تأكل من الطبق وبـ تأكله هو نفسه في نفس الوقت.   

على الرغم من أننا دوخنا ولفينا عليه كثير لكن زيارتنا لـ «أريـﭺ»كانت
تستحق، خاصة لما خلصنا ودفعنا حسابنا وكان 120 جنيه فقط على كل الأكل اللي قلنا
لكم عليه فى المقال ده. بالإضافة إلى أنهم نزلوا لنا أطباق جانبية من السلاطة
الخضراء وعيش كثير. وتجربة أنك تدفع 120 جنيه لخمسة أشخاص أكلوا مع بعض كل الأكل
ده أكيد تجربة مميزة في مدينة زي كايرو. 

نصيحة 360

للناس المهووسة بصحتها والنظافة هاتوا معاكم مناديل ورق كثير.

أحسن حاجة

مطبخ هائل بأسعار مش طبيعية.

أسوأ حاجة

المكان مش شيك قوي.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح