The Definitive Guide to Living in the Capital , Cairo , Egypt

مطاعم
أسماك الشامي

أسماك الشامي.. مطعم في القاهرة هيرجعك لزمن الأكل الجميل

أسماك الشامي القاهرة أبيض وأسود مطاعم مطاعم القاهرة نقد مطاعم وسط البلد
  • 37 شارع البستان باب اللوق وسط البلد
تم التقييم بواسطة
Mohamed Talaat
قيم
قيم الآن
أسماك الشامي.. مطعم في القاهرة هيرجعك لزمن الأكل الجميل

كتبنا قبل كده عن محل أسماك الشامي في وسط القاهرة، واللي عجبنا جدًا ديكوره المميز، المعمول على طريقة أفلام الأبيض والأسود، ومتزين بالجمل الصوفية وأغاني الفلكلور، وفيه قطع قديمة تدل على الأصالة، زي لمبة الجاز، بابور، سبيرتاية، عرائس خشب، ده كمان غير صور الفنانين القدامى اللي في ركن “البلكونة”، وطبعًا كل دا وراه حوائط ألوانها مبهجة، والمحل كله ورد بألوان مختلفة، والمفاجأة بقى أن صاحبة المحل هي اللي دهنت وعملت الديكورات بنفسها مش متخصصين، علشان كده روح المكان تحس إنك قاعد في بيت عائلة في الخمسينيات مثلًا مش في مطعم.

في زيارتنا الجديدة للمطعم اكتشفنا إنهم طوروا من أكلهم، وعملوا منيو جديد، وكمان رفعوا أسعارهم بعد ما كانت رخيصة جدًا، وهما بيأكدوا أنهم بيقدموا منتج ممتاز مقابل سعر زهيد، خاصة أن أكلهم كله بلدي، وقررنا في كايرو ٣٦٠ اننا نجرب أكبر قدر ممكن من عندهم المرادي كمان.

رحنا وكالعادة كان ترحيب حار من صاحبة المحل، اللي يتقابل كل زبائنها بابتسامة جميلة.

طلبنا شوربة عضم بـ٦٥ جنيه، وفيها كابوريا وجمبري وسي فود، وحراقة والتوابل بتاعتها مش مأثرة على الطعم بالعكس هي مدياه حلاوة، والشوربة دي مفيدة جدًا.

وكمان عندهم إسكلوب بانيه سمك فيليه، بـ١٣٠ جنيه، ونعتقد أن الوجبة دي مغذية جدًا ومفيدة صحيًا، سمك فيليه مفتوح ومحشي سي فود، ومقلية بالبقسماط، وبتتزوق بالجبنة الموتزاريلا وتكمل سواها في الفرن، ومميزة بطعم الموتزاريلا، وكمان جربنا الكنافة بالجمبري اللي بتنزل كمقبلات ٣ قطع بـ٩٠ جنيه، واللي بنعتبرها غالية كمقبلات، ودي بقى جمبري كبير ملفوف بالكنافة المحمرة، وبينزل معاها صوص أحمر مخصوص اسمه “الشامي”.

أما سمكة البوري المخلية ومطعمة بالجمبري والبطاطس بـ١٢٥ جنيه، فمنها بصوص أبيض أو أحمر، وإحنا جربنا الأبيض، والحقيقة وجهة نظرنا أنه لو البطاطس فرن هتبقى أحلى بكتير، وكمان عندهم فيليه شيش، وده عبارة عن فيليه مشوي “شيش” وبينزل معاه سلطة وأرز، بـ٦٥ جنيه، وبالذات في الأكلة دي لازم تنسي الإتيكيت وتاكل بايديك علشان تستمتع بريحة وطعم الشوي المميز، وممكن كمان تأكل من السيخ مباشرة.

زي المرة الأولى تجربتنا في المكان كانت مميزة جدًا، وأكيد هنروح المكان ده مرة ثالثة قريب.

نصيحة 360

الإسكلوب بانيه يجنن.. لازم تتطلبه

أحسن حاجة

المكان مريح، الأكل جودته عالية، والأسعار معقولة

أسوأ حاجة

المكان ضيق قوي

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح