The Definitive Guide to Living in the Capital , Cairo , Egypt

أ بايت تو جو

أ بايت تو جو: محل ساندويتشات جديد وبسيط في المهندسين

  • 36 ش جامعة الدول العربية
  • 01202440102
تم التقييم بواسطة
Haisam Awad
قيم
قيم الآن
أ بايت تو جو: محل ساندويتشات جديد وبسيط في المهندسين

كلنا عارفين أن في القاهرة الساندويتشات هي أكثر وأسهل
حاجة بـ تمشي والشعب كله بـ يأكلها. «أ بايت تو جو – A Bite
to go» مش واضح
من وسط المحلات الموجودة في شارع جامعة الدول العربية بالمهندسين، لكن فيه بساطة
الساندويتشات الحلوة وعنده خدمة توصيل سريعة.

المكان يعطيك إحساس بأنه بدروم، بـ تنزل له من المدخل
بسلالم، والقعدة جنب الشباك تخلي مستوى نظرك يجيب ركب الناس الماشية في الشارع.
المكان نوره خافت، هادىء ومافيهوش مزيكا.

منيو «أ بايت تو جو» عبارة عن ساندويتشات ومشروبات بسيطة
زي الشاي (5 جنيه)، القهوة (10 جنيه)، ساندويتش الأومليت (10 جنيه) وحاجات ثانية
كثير. جربنا ساندويتش الكبدة الإسكندراني (8 جنيه) وعجبنا جدًا. على عكس أغلب
ساندويتشات الكبدة، قطع اللحم كانت كبيرة، طرية، ومافيهاش أي زيوت مش ضرورية. الجرسون
سألنا عاوزين الساندويتش يبقى حار لأي درجة وإحنا طلبناه متوسط، لكن تضايقنا لما
جاء لنا لأن ما حسيناش أنه سبايسي.

جربنا ساندويتشات الفاهيتا (14 جنيه) والشيش طاووق (12
جنيه). رغم أن قطع الفراخ كانت مقطعة بطرق مختلفة (قطع كبيرة في الشيش طاووق
وشرائح سميكة في الفاهيتا)، لكننا حسينا أن طعمهم العادي مع الاختلاف أن الشيش
طاووق كان فيه قطع فلفل أخضر كبيرة. ومع ذلك الفراخ كانت رطبة وطرية زي ما إحنا عاوزين
بالضبط، لكنها ما كانتش متبلة كويس.

كان في المنيو كفتة داوود باشا (13 جنيه) وقررنا نجربها،
وهي قطع مدورة من الكفتة بصلصة الطماطم (أو الدمعة) وكانت حلوة. الكفتة كانت طرية،
وصلصة الطماطم كانت طِعمة لكنها كانت ناقصة ملح وفلفل. الساندويتشات كلها بـ تُقدم
في عيش أبيض كبير وطري، مش عيش فرنساوي لكنه برضه مش عيش فينو.

«أ بايت تو جو» فيه حاجات قليلة ما عجبتناش في المنيو
والجو العام، لكن أكله كان حلو.

نصيحة 360

«أ بايت تو جو» بـ يقدم خدمة توصيل الطلبات للمنازل، اتصلوا بـ  01202440102.

أحسن حاجة

الساندويتشات البسيطة والمعمولة بطريقة حلوة.

أسوأ حاجة

اختيارات الأكل مش مشجعة قوي.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح