The Definitive Guide to Living in the Capital , Cairo , Egypt

رغم أن فيه
مطاعم حلوة تخصصت في المشويات تقليدية في مصر زي «اندريا – Andrea» و«أبو شقرا» وغيرهم نالوا
اعجابنا من وقت طويل، بس احنا مبسوطين اننا نعلن عن اكتشافنا لمكان تاني رائع بـ
يقدم الأكل ده.

مطعم «الرايق»
في المعادي مطعم تيك – أواي بـ يقدم صدور فراخ مشوية مقرمشة، نصف فرخة وشيش طاووق
واطباق تانية، الفراخ مشوية كويس جداً والتتبيلة رائعة. لو بـ تدور على أكلة حلوة
من غير تكاليف هـ تحب المكان ده.

بالليل متأخر
لما بـ يجيلك إحساس مفاجئ بالجوع ومابـ يكونش عندك لا طاقة ولا وقت تطبخ حاجة، بـ
تضطر تطلب «ماكدونالدز» ولا أي أكل سريع من الأماكن اللي بـ تفتح طول الليل، في
الحالات اللي زي دي «الرايق» قدم لك حل بديل وممتاز. الأكل بـ يوصل بسرعة وطعمه بـ
يبقى حلو وبـ يشبع، وألذ حاجة انك هـ تحس فيه بطعم الأكل البيتي.

الفراخ
المشوية بتاعة «الرايق» لا يُعلى عليها، بـ تبقى نص فرخة مقسومة لقطعتين، بـ تكون محمرة
ومقرمشة من برة وطرية من جوة.

الشيش طاووق
طعمه لذيذ قوي – نصف كيلو كافي جداً –  قطع
الفراخ مشوية كويس وقطع اللحمة ماعليهاش أي دهون، الكبيبة كمان كانت طِعمة ومعها
صوص «المارينارد» الرائع.

زي اي مطعم
محترم متخصص في الأكل المصري، السلاطات والمشهيات بـ يبقوا من أساسيات أي وجبة.
الطحينة في «الرايق» كان طعمها غني وماشية مع الفراخ المشوية والشيش طاووق رغم ان
ممكن ناس تفضل الثومية جنب الشيش طاووق، والسلاطة الخضرة كانت مكونتها طازة على
غير العادة في الأماكن المماثلة. عشان تكمل الطبق بتاعك اطلب أرز «الرايق»، طبق
متميز في طعمه ومتبهر بحرفنة.

«الرايق» بـ
يضمنلك وجبة بـ تشبع وطعم بيتي بـ يجيلك لغاية عندك، ممكن تأكل في المطعم نفسه بس
هو للأسف ضيق، احنا عامةً بـ نفضل نطلب الأكل في البيت. الوجبة اللي ممكن تكفي عدد
لا بأس به من الافراد مكونة من فراخ مشوية، شيش طاووق، رز، سلاطات وعيش وسعرها 125
جنيه وده من الحاجات اللي بـ تخلي مطعم الفراخ المشوية يستحق الإهتمام.