The Definitive Guide to Living in the Capital , Cairo , Egypt

الفقير

الفقير: كفتة وكباب في قلب الهرم

  • 366 شارع فيصل - محطة الطالبية - بجوار المطحن
  • مصري
  • 0235855248,0237807995
تم التقييم بواسطة
Andrea Richardson
قيم
قيم الآن
الفقير: كفتة وكباب في قلب الهرم

إزاى ممكن
مطعمك يفرق عن مطعم تاني وانت بـ تقدم نفس أنواع الأكل المصري ومتخصص في ده؟
المنيو اللي موجودة زي كل المنيوهات اللي في المطاعم التانية فيه طحينة، بابا
غنوج، سلطة خيار، بصل، طماطم وبقدونس وطبق المخللات الحادقة وطبق تاني كبير للعيش
البلدي. اللي بـ يفرق مطعم «الفقير» عن اي مطعم تاني هو جودة اللحمة اللي عنده وده
اللي بـ يفرقهم عن اي مطعم تاني بـ يقدم الأكل المصري وبـ يخلي المكان ده مشهور.

المطعم موجود
في «كايرو سيتي سنتر» في الهرم في شارع فيصل اللي على طول زحمة. «الفقير» موجود في
حتة زحمة قوي وفي مبنى شكله مش حلو ولونه بني كئيب. المطعم من جوة كبير ومليان ناس
ومعظمهم بـ ييجوا من أماكن تانية في القاهرة بعيدة عن المطعم.

طبق نص كيلو
كفتة وكباب بـ 55جنيه وكانت من أحلى الأطباق اللي أكلناها في مصر، اللحمة جاية من
مزرعة محلية ومتقطعة كويس وده بـ يخلي اللحمة مافيهاش دهن كتير وطعمها حلو. الكباب
والكفتة مستويين على الفحم وبعد سواهم بـ يتحطوا على قطعة عيش كبير، عشان تستمتع
بـ طعم المرقة بتاعت اللحمة اللي على العيش.

جوزين حمام
محشين رز او فريك حسب ما انت عايز بـ 55 جنيه طعمه حلو قوي. في الأول كنا خايفين لأن
لون جلد الحمام كان غامق بزيادة، بس أول ما اكلنا اول لقمة طعمها كان حلو قوي والسوى
بتاعها رائع. حبينا الحمام محشي فريك اكتر، كان مستوي اكتر وكان مش طري قوي زي
الحمام المحشي رز.

كتير أصروا
على ان الريش الضاني من احلى الحاجات في المنيو، بس احنا حسينا ان اللحمة كانت
صعبة قوي في الأكل بس حبينا شكل الطبق لأن كان فيه شكل جمالي للطبق ما بين لون
اللحمة اللي زي الشيكولاتة ولون العضم الفضي. طبق المحشي كان فيه محشي ورق عنب
وفلفل ومحشي كوسة وكمان الملوخية كانت كويسة بس مش خطيرة يعني.

عشان تجرب
حاجة مختلفة، «الفقير» بـ يقدم غرفة خاصة للأعداد الكبيرة ليها حمام خاص وتليفزيون.

لو انت عايز
تحس بـ إختلاف وانت بتأكل اكل مصري ، روح «الفقير» واحجز المكان الخاص واطلب كباب
وكفتة. وخلَّي بالك ان وجبة كبيرة في «الفقير» مش هـ تكلفك اكتر من 60 جنيه لفرد
واحد.

نصيحة 360

زي ما قالوا لينا، لو مليت بطنك بأي حاجة غير اللحمة في «الفقير»، يبقى أنت بـ تضيع وقتك.

أحسن حاجة

أحلى حاجة في الفقير ان نص كيلو كباب وكفتة بـ 55جنيه كفاية لشخصين وكمان فيه مكان مخصص للتجمعات الخاصة.

أسوأ حاجة

مكان المطعم مش حلو وبعيد عن الناس .

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح