The Definitive Guide to Living in the Capital , Cairo , Egypt

فى حالة كان مزاجك رايح على أكلة خفيفة سهلة الهضم فى آخر الليل، مافيش اختيارات فاست فوود كثيرة تقدر تختار من بينها فى مشهد الأكل القاهرى.

قابلنا بالصدفة مطعم "الكرمة" فى المعادى على شارع 231. أضواء مبهرة حول المطعم صغير الحجم اللى بـ يستخدم نفس الألوان الحمراء والبيضاء المُكونين لشعاره. المكان المميز بفناء من الخشب مرتفع عن مستوى الشارع يعتبر هائل لأكلة خفيفة وسريعة جدًا.

أول ما دخلنا، رحب بنا الكاشير وقدم لنا منيو. المطعم بـ يقدم أكلات لبنانى خفيفة، فكّر فى مناقيش، معاها أغلب السلاطات اللبنانى الشهيرة زى الفتّوش، التبّولة، الحمص، والبطاطس المشطشطة. طلبنا كُفتة كرمة (44 جنيه) مع زعتر بالجبن (14 جنيه)، لبنة (19 جنيه) وبطاطس محمرة (10 جنيه).

وقت التحضير كان قليل نوعًا ما، لكن بعد ما وصل عرفنا السر. تقدر تختار بين الصاج والفرن لتسوية المناقيش، وإحنا اختارناها محمصة لكنها وصلت باردة. طبق كُفتة كرمة قُدم فى علبة بيتزا؛ العجينة كانت صعبة المضغ، واللحم نفسه كنكهة مش مميز، والسبب كان ضعف التتبيلة. الموضوع ببساطة كان لحم، وجبن وعجينة ومافيش أى نكهة مختلفة عكس المتوقع من مطعم لبنانى.

اللبنة كان معاها عيش صاج ملفوف، وبرضه مش محمص، عليها إضافة لذيذة من الخيار والطماطم، لكن ينقصها الزعتر وزيت الزيتون.

ما بين كمية الزعتر والجبن، النسبة بينهم كانت بعيدة، فلازم تكون من جمهور الطعم المزز بتاع الزعتر، وإلا هـ تحس أن المنقوشة مبالغ فيها. من ثانى، لو كانوا عملوها محمصة، الموضوع كان اختلف تمامًا.

البطاطس المحمرة كانت مفاجأة الأكل. مقرمشة شوية لكن مليانة، وقدرت تضيف كثير للأكل.

الفكرة أن النوع ده من الأكل اليومين دول بقى شيء عادى. مش بس الأكل الشامى دلوقت متوفر فى أى ركن من القاهرة، كمان فيه اختيارات متنوعة بأسعار مختلفة، وسط مستوى أكل العادى، مش عارفين الكرمة هـ يقدر ينافس إزاى، خصوصًا مع وجود ثلاثة مطاعم لبنانى على مسافة خطوات منهم.