The Definitive Guide to Living in the Capital , Cairo , Egypt

باستا مانيا – Pastamania

باستا مانيا: أطباق إيطالى بسيطة فى داون تاون قطامية مول

تم التقييم بواسطة
Aliaa Serry
قيم
قيم الآن
باستا مانيا: أطباق إيطالى بسيطة فى داون تاون قطامية مول

آخر حاجة ممكن نقولها على مشهد الأكل القاهرى أنه بـ يعانى من نقص فى عدد المطاعم اللى بـ تقدم أكل إيطالى، أما موضوع الأكل الإيطالى الأصلى فله قصة مختلفة تمامًا. الغريب فى الموضوع أن "باستا مانيا – Pastamania" سلسلة مطاعم من أصل سنغافورى تواجد فى مكان مستخبي فى داون تاون مول القاهرة الجديدة.

المطعم مش مميز من الخارج بسبب شكله التقليدى، على الناحية الثانية، المكان من الداخل مريح وهادئ، وتشعر أنه واحد من المطاعم العائلية اللطيفة، أول ما وصلنا، قدم لنا الجرسون منيوهات وعرض يساعدنا فى اختيار الأطباق.

المنيو شاملة كل الأطباق الإيطالى التقليدية؛ مقبلات مألوفة، مكرونات مختلفة، بيتزا، ساندويتشات بانينى وعدد بسيط من اختيارات الحلو. المنيو بسيطة ومباشرة، وبـ تتجنب الأسماء المعقدة.

الأطباق الأقرب للمطبخ الإيطالى الأصلى تشمل بروشيتا (12 جنيه)، أجليو أوليو (20 جنيه)، بيف لازانيا (45 جنيه) وجبن جورجونزولا بالمشروم والسبانخ (35 جنيه). عملنا الطلب مع بعض التعديلات على الأطباق، ووعدنا الجرسون أن الأكل يوصل خلال دقائق قليلة.

لحسن الحظ، الأكل فعلاً وصل بعد دقائق، يمكن تأخر حاجة بسيطة، لكن عمومًا شكله كان ساخن وطازج. البيستو (بينى) باستا (40 جنيه) كميتها كانت كبيرة ونكهة الثوم الواضحة فى الصوص كانت هـ تبقى هائلة لو الطبق فيه شوية صنوبر زيادة، وهنا طعم الثوم كان طاغى على الطبق. طبق بولّو ألفورنو (73 جنيه)، كان خرافى؛ صدور الفراخ مشوية بامتياز والطلب الجانبى من الخضروات كانت تتبيلته هائلة وكمان طعمها لذيذ.

عمومًا، باستا مانيا أثبت نفسه كمطعم لطيف، بـ يقدم أكلات تقليدية تقدر تشبع الاشتياق للمطبخ الإيطالى. صحيح المطعم مش متعمِّق فى الأطباق الإيطالى المعقّدة، لكن الخدمة المميزة والأطباق اللذيذة كانوا كفاية.

نصيحة 360

باستا مانيا بـ يعمل عروض أسبوعية، بلاش كسوف واسأل عنها.

أحسن حاجة

كل حاجة فى باستا مانيا بسيطة ومناسبة.

أسوأ حاجة

لو بـ تدوّر على أطباق إيطالى أصلية، النمرة غلط.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح