The Definitive Guide to Living in the Capital , Cairo , Egypt

بافلو برجر – Buffalo

بافلو برجر: توصيل البرجر لكل مكان في القاهرة

تم التقييم بواسطة
Anne de Groot
قيم
قيم الآن
بافلو برجر: توصيل البرجر لكل مكان في القاهرة

فيه وقت في حياتنا فشلنا فشل ذريع واستسلمنا للفرحة اللي بـ تحصل لنا لما بـ
نأكل وجبات الأكل السريعة. النوع الأصلي للوجبات دي هو طبعًا البرجر وكان دائمًا له
تغيرات في طعمه وأنواعه على مر الزمن وكان فيه أنواع صمدت أمام اختبار الطعم والوقت
عن أنواع أخرى.

حسب أنت بـ تفضل إيه، “بافلو
برجر- Buffalo Burger” اللي بـ يقدم
خدمة توصيل للمنازل فقط عنده في المنيو بتاعه حاجات تناسب كل الأذواق. غير الأنواع
المختلفة اللي بـ يقدمها “بافلو برجر” الناس القائمين على المحل قرروا أنهم
يسموا الساندويتشات بتاعتهم أسماء مختلفة وغير تقليدية زي مثلاً اسم “تشيكين
باستر”، “كاليفورنين” و”هاواي واكيكي”، وكمان غير الأسماء
المبتكرة “بافلو برجر” مختلف عن أي محلات برجر بسبب أحجام الأكل، أنت ممكن
تختار من 150 أو 200 أو 250 جرام، لو أنت جعان جدًا ممكن تطلب 400 جرام يعني الضعف
بـ 42 جنيه. لكن إحنا قررنا نطلب “ريل طوكيو” بـ 20 جنيه و”أنيمال
ستايل” بـ 22 جنيه و”أسايجو تشيكن” بـ 30 جنيه و”Lettuce wrap” أو “لفائف الخس” بـ 20
جنيه.

“لفائف
الخس” هو اختيار “بافلو برجر” الصحي، يعني خس ملفوف بدل الخبز وطبعًا
اللحمة خالية من الدهون في المنتصف فيه طماطم وجبنة. على الرغم أننا حسينا أن الفكرة
حلوة لكن كنا شاكين فيها. رغم أن كان طعمه زي البرجر بالضبط، لكن كان غريب قوي استبدال
العيش بالخس. ساندويتش “الأنيمال ستايل” كان مع صوص الديجون ماسترد، والبافلو
صوص والجبنة والبصل، الخلطة كلها مع بعض خلت البرجر كله طعمه حار، اللحمة كانت
مشوية كويس لكن العيش كان من غير طعم.

أما
“أسياسجو تشيكن” كان حلو، لكن ثاني العيش كان جامد بس الفراخ كانت طرية وده
عوض مشكلة العيش، أبل وود بيف المدخن كان طعمه حار شوية بس كان مناسب جدًا مع
الصوص الكريمي. أما “ريل طوكيوز” كنا متحمسين له جدًا لأنه بـ ييجي مع
صوص الترياكي. لكن طبعًا زي أي حاجة في الحياة مش كل توقعاتنا بـ تصيب، الصوص كان
كريمي قوي وكأنه ما كانش ترياكي كان مائل أكثر لصوص المايونيز.  

أحبطتنا البطاطس
المقلية لأن ما كانش لها طعم، وعلى ما وصلت عندنا كانت باردة. أما تطلب من “بافلو
برجر” بـ ييجي لك علبة فيها بصل، وطماطم، وخس ومخلل على جنب علشان لو حبيت
تضيف حاجة للساندويتش بتاعك. وعلشان كده إحنا بـ نحييهم.

نصيحة 360

بافلو برجر لهم عروض خاصة مع موقع Otlob، ممكن تطلب كومبو بتخفيض خاص.

أحسن حاجة

ساندويتش "أنيمال ستايل" كان حلو قوي.

أسوأ حاجة

البطاطس المقلية وساندويتش"ريل طوكيو".

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح