The Definitive Guide to Living in the Capital , Cairo , Egypt

برجر كينج – Burger King

برجر كينج: ملك البرجر الشهي والسريع في تيفولى دوم زايد

تم التقييم بواسطة
Angie El Batrawy
قيم
قيم الآن
برجر كينج: ملك البرجر الشهي والسريع في تيفولى دوم زايد

“برجر كينج” كنا دائمًا بـ نشوفه فى فروع كثير مالية العاصمة وسط مطاعم القاهرة لكن ما كانش بـ تسنح فرصة نروح نأكل فيه، أو ما كناش بـ نتحمس لأننا كنا فاكرينه مكان عادي زي أى مكان بـ يقدم ساندويتشات برجر سريعة وبطاطس ومشروب بمنيو يشبه مطاعم معروفة فى القاهرة زي “هارديز” أو “ماكدونالدز”.. لكن الصراحة إحنا فاتنا كثير!

عام 1954 كان أول فرع لبرجر كينج فى ميامي بولاية فلوريدا، وفروعه فى مصر كثيرة جدًا حوالى 15 فرع منها فى تيفولى دوم هليوبوليس، وسيتي ستارز، وفى عباس العقاد بمدينة نصر، وشارع مصدق بالدقى ومول العرب.. حتى أن فيه فروع فى محطات بنزين “إمارات مصر” و”Oil Libya”، وكمان فيه فروع فى إسكندرية والغردقة وشرم الشيخ.

فرع تيفولى دوم الشيخ زايد موجود فى الواجهة على اليمين، أول ما تدخل هـ تمشي شوية لأن المدخل فى الآخر، فيه منطقتين للجلوس، واحدة مقفولة جوه والثانية فى الهواء الطلق وبـ تطل على نافورات صغيرة بإضاءات جميلة وخافتة.

نظام المنيو زي أى مكان Fast food معلقة على البورد فوق الكاشير بأسعار الساندويتشات والكومبو والتحلية والسلاطات والمشروبات، طلبنا بيج كينج (37 جنيه كومبو) وده ساندويتش فراخ جريلد مع خس ومايونيز وطماطم ولو عاوز حجم M بـ يضاف 4 جنيه، وتشيكن ويبر (35 جنيه كومبو)، وسيزر سلاد (12 جنيه)، ومن المقبلات أخذنا موتزاريلا ستيكس (11 جنيه)، ولأن للأسف وقت زيارتنا ما كانش فيه آيس كريم (ولا بسكويت ولا صنداي) اضطرينا نجيب آبل باي (6 جنيه).

البرجر حجمه حلو جدًا، وسُمكه وطعمه رائعين، كنا مستمتعين جدًا به أكثر من طعم ساندويتش الفراخ اللى كان حلو برضه، الخدمة كانت سريعة بالنسبة لكمية الطلبات اللى جبناها، سلاطة السيزر حلوة وبـ يقدم لك معاها الصوص بره وأنت بـ تضيف الكمية اللى عاوزها براحتك، والموتزاريلا ستيكس كانت برضه حلوة وغنية ابلجبن اللى كان وهمي وهو بـ يشد فى فمنا والطبقة الخارجية له مقرمشة وذهبية.

علشان تعرف المنيو كاملة ممكن تدخل على الموقع الرسمي أو على صفحتهم على الفيسبوك اللى هـ تعرف منها برضه كل فروعهم فى العاصمة والعروض والمسابقات اللى بـ يقدموها كل فترة.

فيه ناس أصحابنا بـ تقول أن فيه مطاعم بـ تقدم برجر أفضل من هنا بكثير لكن لا تصنف كأماكن Fast Food، لكن على الرغم من كده –فى رأينا- لا يزال “برجر كينج” أفضل Option عندنا لو حبينا نأكل برجر سريع وشهي وسعره كويس!

نصيحة 360

أحلى حاجة فى الفرع ده أنه جنب منطقة ألعاب الأطفال، تناول أكلك براحتك وخلى أولادك يتبسطوا.

أحسن حاجة

طعم البرجر غني ومميز وحجمه كويس.

أسوأ حاجة

كان نفسنا نجرب الآيس كريم!

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح