The Definitive Guide to Living in the Capital , Cairo , Egypt

مطاعم
بريز – Breeze

بريز: مطعم ولاونج على حمام السباحة في القطامية هايتس

  • بداخل منتجع القطامية هايتس للجولف والتنس
  • عالمي
تم التقييم بواسطة
Aliaa Serry
قيم
قيم الآن
بريز: مطعم ولاونج على حمام السباحة في القطامية هايتس

بصفته من الأماكن المفضلة لسكان القاهرة الجديدة من سنين، أجواء "بريز – Breeze" اللطيفة والجو الصيفي الجميل قدروا فعلًا يقدموا مكان رائع، ميزة المكان هناك إطلالته على حمام سباحة الكلوب هاوس الخاص بقطامية هايتس، ومع الهواء المنعش، مستحيل تحس أنك قريب بأي شكل من العاصمة المزدحمة على طول.

أول ما وصلنا الجرسون وصلّنا لترابيزة كنا حجزناها في أول اليوم، وعليها المنيوهات جاهزة في انتظارنا، وسط إضاءة هادئة وأثاث مريح بألوان مشرقة مكون من كنب وكراسي قصيرة، تحس على طول أنك في مكان رائع.

قبل ما ندخل على المنيو، طلبنا شيشتين بنكهات البلوبيري (36 جنيه) وفانيليا مع جوز هند (43 جنيه). مافيش كام دقيقة والشيشة وصلت، وصحيح كانت خفيفة ونكهتها هايلة، بس كان لازم كل شوية نطلب منهم يغيروا الولعة.

منيو بريز أغلبها مستوحى من المطبخ اللبناني/ السوري، وفيها هـ تلاقي عدد من أطباقهم الشهيرة زي التبولة والفتوش والمسحب والمتبل مع أطباق ثانية، بالنسبة للمقبلات، طلبنا لبنة (27 جنيه) وحمص جبلي (35 جنيه) وثومية (25 جنيه)، أما الأطباق الرئيسية فطلبنا شيش طاووق مع طلب جانبي من البطاطس المحمرة (66 جنيه)، وعرايس (50 جنيه).

بعد كام دقيقة وصلت المقبلات، ومعاها سلتين عيش كبار مليانين عيش بلدي طازج، اللبنة كانت دسمة، وعليها زيتون مخلل وزيت زيتون، أما الحمص فكان سميك وعليه حبوب حمص وزيت زيتون، الطبقين فعلاً كانوا روعة. الثومية كمان كانت لذيذة وفيها كمية مناسبة من الثوم.

مع تخليصنا على أي دليل يقول أنها كانت مقبلات، وصلت الأطباق الرئيسية اللي كانت حكاية ثانية خالص بطعمها الرائع، الشيش طاووق كان عبارة عن قطع صدور فراخ متبلة تمام ومشوية بامتياز وكمان نكهتها روعة، والبطاطس ما كانتش مزيتة ومقرمشة وكميتها مناسبة، نروح على العرايس وهي عبارة عن لحم مشوي محشي في عجينة رفيعة، وكانت فعلاً خفيفة وبـ تشبع.

مجمل الكلام، بريز فعلًا قدر يحافظ على درجة مناسبة من جودة الأكل والخدمة المرضية، الجرسونات كانوا دائمًا مصحصحين ومهذبين وشكل تقديم الأكل كان أنيق وواضح عليه أنه طازج، الأسعار غالية شوية خصوصًا أن الحد الأدنى للطلبات 200 جنيه، بس المكان حقيقي يستاهل.

نصيحة 360

ننصحكم تحجزوا من بدري؛ اتصلوا بـ 02-2758-0512.

أحسن حاجة

اللبنة والشيش طاووق خطفوا الأضواء، وكمان ديكورات المكان جميلة.

أسوأ حاجة

الحد الأدنى للطلبات مبالغ فيه.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح