The Definitive Guide to Living in the Capital , Cairo , Egypt

بكين – Peking

بكين: المطعم الصينى المحبوب وصل داون تاون مول القطامية

  • داون تاون مول - شارع التسعين
  • صيني
  • 23146251,23146252
  • 12 مساءً - 12 صباحًا
تم التقييم بواسطة
Aliaa Serry
قيم
قيم الآن
بكين: المطعم الصينى المحبوب وصل داون تاون مول القطامية

بصفته واحد من أقدم وأشهر سلاسل المطاعم الصينى فى مصر، “بكين – Peking” طول عمره معروف أنه المكان المناسب لإشباع اشتياق أهل القاهرة للأكل الصينى، فكان طبيعى أول ما نسمع عن فرعهم الجديد فى داون تاون مول القطامية فى القاهرة الجديدة، نروح ونشوف إيه الأخبار!

بكين اختار موقع مميز فى المول الجديد نسبيًا. القعدة فى الخارج موجودة فوق كوبرى بشوية ترابيزات مرصوصين جنب السور، بحيث تطل على المول المزدحم. أما القعدة داخل المطعم بـ تكون هادئة أكثر وألطف وسط حوائط من الخشب وألوان مريحة للعين.

أول ما دخلنا، رحب بنا كبير الجرسونات ووصلنا لترابيزتنا داخل المطعم علشان كل الأماكن فى الخارج كانت مليانة أصلاً. خلال وقت بسيط كنا استقرينا فى مكاننا وأمامنا المنيوهات موزعة بشكل شيك على الترابيزة.

بكين بـ يقدم مجموعة من الأكلات الصينى اللذيذة؛ ون تون، سبرينج رولز، دمبلينجز كانت تقريبًا الحاجات اللى عارفينها من قسم المقبلات. أصناق الشوربة والسلاطات المعتادة موجودة فى المنيو، ومافيش حاجة غريبة أو صينى صينى يعنى اللهم إلا شوربة هونج كونج (جمبرى مع بهارات صينى). قسم الأطباق الرئيسية كان عبارة عن فراخ مقلية وسى فوود، شوية أطباق مقلية، نودلز وكام طبق لحوم، والطهى يتنوع من الطهى فى الفرن، مشوى أو مسبك. الغريب فى الموضوع أن طبق الأرز الأسبانى الباييا كان موجود بين الاختيارات.

بعد ما تفرجنا على المنيو، قررنا نطلب سبرينج رولز بالخضروات (11 جنيه)، مقرمشات بالجمبرى (9 جنيه) وشوربة بكين (17 جنيه) بالنسبة للمقبلات. اختيارنا من الأطباق الرئيسية كان تشيكن باربيكيو (41 جنيه) وفرايد بيف نودلز (31 جنيه).

أكلنا وصل أسرع مما توقعنا على الرغم من زحمة المكان. السبرينج رولز والمقرمشات كانوا مقرمشين بشكل لذيذ وسهل الهضم. أما الصوص الحراق اللى مع الأطباق فكان مشطشط شوية زيادة.

الشوربة كانت غنية بالكريمة، دافئة وفيها قطع من الفراخ، وهى خاصية بـ تكون ناقصة فى شوربة الفراخ فى كثير من الأماكن الثانية. بعدها وصلت الأطباق الرئيسية، كلها بـ تقدم فى طبق غويط تحته شمعة. التشيكن باربيكيو كان قريب من التشيكن فاهيتا المليانة زيت، ونقدر نقول أنه مش من الحاجات اللى هـ تحب تجربها. على الناحية الثانية، البيف فرايد نودلز كانت لذيذة والشعرية نفسها كانت مطبوخة صح والبهارات ممتازة.

بشكل عام، بكين قدم لنا تجربة أكل صينى ممكن نقول عليها لطيفة، لكنها مش أصلية. بعيدًا عن أن الأكل كان مطبوخ كويس وطعمه لذيذ، لكن كان ينقصه النكهات الصينية المميزة. الخدمة كانت مرضية والأكل وصل فى الوقت المحدد، والجرسون بشكل مهذب سألنا فى وسط أكلنا لو ينقصنا حاجة وهل الأكل عجبنا ولا لأ.

نصيحة 360

بكين بـ يوصل لغاية باب بيتك؛ اتصل بـ 16078.

أحسن حاجة

المقبلات كانت لذيذة والموظفين منتهى الكفاءة.

أسوأ حاجة

الصوص الحراق كان قوى بزيادة والتشيكن باربيكيو كان مزيّت جدًا.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح