The Definitive Guide to Living in the Capital , Cairo , Egypt

مطاعم
بوتشرز برجر – Butcher’s Burger

بوتشرز برجر: مش برجر والسلام

  • 5 شارع أبو الفدا - الزمالك
  • برجر
تم التقييم بواسطة
Ramy Soliman
تقييمك
قيم الآن
بوتشرز برجر: مش برجر والسلام

من كام شهر لو تفتكروا كنا روحنا تشيكن أند ريبس وكتبنا عنهم مقالة كلها مدح وإشادة بكل حاجة في المكان، بس الدور المرادي على الأخ الشقيق لهم بوتشرز برجر. أخر زيارة لينا لبوتشرز كانت مليانة ملاحظات، لكن واضح إنهم رجعوا تاني لمستواهم المعروف.

butchers-burger3

صحيح بوتشرز برجر عندهم تشكيلة قوية من المقبلات، وكمان ممكن نقول إن الماك أند تشيز عندهم هو الأحسن في القاهرة، بس إحنا دخلنا في الغويط على طول وطلعنا على الساندويتشات. بدأنا مع واحد دوبل تشيز برجر (٥٩ جنيه) بيتقدم معاه بطاطس محمرة هايلة وكول سلو، أما الساندويتش نفسه فقطعة اللحمة بيكون عليها جبنة شيدر سايحة وخس وبصل مكرمل يضيف لطعم الساندويتش نكهة مسكرة مدخنة لطيفة. قطعة اللحمة نفسها تتبيلتها روعة وطعمها حكاية، بس ناقصها شوية دهون تخليها طرية شوية. بالنسبة للعيش فكان طري جدًا وفي نفس الوقت ماسك مكونات الساندويتش كويس وحجمه متناسب مع حجم قطعة البرجر.

الساندويتش التاني معانا هو بوتشرز سوسيدج (٤٩ جنيه)، وهنا الاختلاف إن السوسيس مش اللي كلنا عارفينه، هو طلع هوت دوج مشوي جودته عالية وده واضح من ملمسه المختلف عن اللحوم الرديئة المنتشرة في أماكن كتير. جايز الاسم يربكك شوية في الأول، بس بصراحة الهوت دوج كان عالمي، معمول بتشيلي كون كارني تحفة مع شرايح هالبينوعملوا نكهة جميلة مشطشطة للساندويتش مع البصل المفروم وشوية مخلل مسكرين شوية، أما بالنسبة للجبنة فقوامها كان تحفة. كل اللي عملناه إننا طلبنا صوص جبنة زيادة (٧ جنيه) ندلع بيه البطاطس.

مع الكلام اللي فات طلبنا بافالو تشيكن ساندويتش (59 جنيه) برضه معاه بطاطس محمرة وكول سلو. الساندويتش عبارة عن قطعة صدور فراخ كبيرة مقلية كويس وعليها بافالو صوص بطعمه اللاذع المميز مع خس ومايونيز وصوص بلو تشيز. الحلو في الموضوع إن صوص البافالو المشطشط شوية كان كتير على قطعة الفراخ من غير ما تكون مزيتة وكمان حافظت على قرمشتها.

الدرس المستفاد من زيارتنا إن مهما كانت شهرة بوتشرز كأخصائي برجر فالأكيد إن المنيو عندهم فيها حاجات هايلة، يعني الساندويتشات مثلًا حلوة حلوة بجد، وممكن حتى تكون أحلى من البرجر نفسه. لو هنضيف على الكلام ده الخدمة الممتازة والأكل الجامد نقدر نقول وبكل ثقة إن بوتشرز برجر من أقوى المطاعم في فئته.

نصيحة 360

بوتشرز برجر عنده منيو فطار، وكمان تقدروا تطلبوا من منيو تشيكن أند ريبس.

أحسن حاجة

اختيار ممتاز لو نفسك في أكلة سريعة.

أسوأ حاجة

جايز نكون بنبالغ شوية، لكن طريقة تقديم الأكل محتاجة شغل أكتر.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح