The Definitive Guide to Living in the Capital , Cairo , Egypt

بومودورو – Pomodoro

بومودورو: تقريبًا أحسن مكرونة بالمأكولات البحرية في وسط البلد

  • ميدان باب اللوق
  • إيطالي
  • 0227956848
تم التقييم بواسطة
Robert Mogielnicki
قيم
قيم الآن
بومودورو: تقريبًا أحسن مكرونة بالمأكولات البحرية في وسط البلد

إسباجتي بصوص المحار اللذيذ هو مجرد شيء بـ نتمناه في
القاهرة، صح؟ في مطعم مستخبي في مكان غير واضح من باب اللوق بجانب “قهوة الحرية
وبـ يقدم أفضل مكرونة بالمأكولات البحرية. من سنتين فاتوا زارت كايرو 360 «بومودورو
– Pomodoro» لما كان مطعم في شارع بلدي، لكن بعد كده المطعم تغير تمامًا لكن
لسه بـ يقدم أحسن مكرونة بالمأكولات البحرية ممكن تأكلها في القاهرة.

بعد ما بقى عنده مساحة أوسع، “بومودورو” قام بـ
تغيير الكراسي البلاستيك الصغيرة وترابيزات القهوة بكراسي جلد شكلها جديد وعصري وترابيزات
معمولة من الزجاج. اللون الغالب هو الأحمر والأسود، الجو العام للمكان بـ يعطي
الإحساس بالدفء وكمان الرائحة الرائعة في المكان كل ده بـ يجتمع مع بعض وبـ يبقى
حاجة زي أماكن البيتزا الراقية. فيه كلام بـ يُقال أن صاحب المطعم درس فنون الطهي
في إيطاليا وكمان هو بـ يصر أنه يتولى أمر كل الأطباق اللي بـ تخرج من مطبخه، مش
مشكلة الحقيقة لأن كل طبق بـ يخرج من المطعم بـ يبقى فيها انتباه لأدق التفاصيل وده
بصراحة بـ يسعدنا جدًا.

وطبعًا لأن فيه ازدهار في مشروع المطعم وتغيير فيه، فكان
فيه تغيرات في المنيو والأسعار من السنتين اللي فاتوا، المنيو بسيط، فيه أطباق مكرونة
مع إضافات المأكولات البحرية أو اللحوم وكمان فيه أصناف بسيطة للساندويتشات. طبق
الباستا بالمأكولات البحرية أسعاره بـ تبدأ من 25 لغاية 50 جنيه بـ يعتمد على
الأحجام وكمان اختيارك للمكونات زي الكاليماري، والجمبري، والمحار والكابوريا.
إحنا طلبنا باستا بالجمبري بـ 35 جنيه وكانت سخنة وحارة وغنية بالجمبري، وبـ تيجي
مع صوص الطماطم وأربعة أحجام مختلفة من الـ Crawfish. كميات الأكل كانت
كبيرة، والأعشاب والبهارات والخضار الطازج حسسنا أننا في جنة من المأكولات
البحرية. لو مش عارف تقرر تطلب أي نوع اختار سي فود كومبو وهـ ييجي لك كل أنواع
المأكولات البحرية في طبق واحد.

برضه هـ تلاقي باستا كومبو للفراخ واللحم بنفس الأسعار
تقريبًا للناس اللي مش عاوزة تأكل أكل فيه سمك. وللناس اللي مش عاوزة أي نوع من
أنواع اللحوم ممكن تطلب مكرونة بالخضار بـ 25 جنيه مكونة من الجزر، والبسلة، والكوسة،
والبصل والطماطم. ولو حد عاوز أكلة أخف موجود ساندويتشات بالجمبري بـ 20 جنيه وساندويتشات
الفراخ بـ 15 جنيه.

كميات الأكل اللي كانت موجودة من سنتين في المطعم بـ 15
جنيه مش موجودة دلوقتي، لكن ده مش هـ يمنعك من أنك تزور “بومودورو”،
ممكن تدفع فلوس أكثر بس مش هـ تأكل في الشارع أو تستخدم لبسك كمنديل لك. مع الجو العام
المريح للمطعم ومناديل كثير والأهم مكرونة المأكولات البحرية الغنية “بومودورو”
يعتبر أسطورة في المأكولات البحرية في القاهرة.

نصيحة 360

اطلب باستا المأكولات البحرية بـ 30: 40 جنيه واستمتع.

أحسن حاجة

مكرونة المأكولات البحرية كانت أحلى مكرونة أكلها الناقد في مصر.

أسوأ حاجة

الأكل بـ يجهز بعد 30 إلى 45 دقيقة في الأيام الزحمة.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح