The Definitive Guide to Living in the Capital , Cairo , Egypt

بيستو – Pesto

بيستو: وجبات سريعة وبسيطة في مصر الجديدة

  • 16 شارع أنقرة
  • 01156100056
  • 10 صباحًا - 1 صباحًا
تم التقييم بواسطة
Jessica Noble
قيم
قيم الآن
بيستو: وجبات سريعة وبسيطة في مصر الجديدة

المطاعم في القاهرة بقيت متنوعة بشكل كبير وبقى مش سهل أننا نتابع تحركات المحلات، كمان بقى صعب شوية تلاقوا أكل إيطالي يستاهل في المدينة لدرجة المستحيل بشوية، مطعم “بيستو – Pesto” فتح جديد في مصر الجديدة وبـ يحاول يحقق الدرجة دي من الأكل الإيطالي وكمان بأحلى طعم.

بجانب المحل المفضل وايلد برجر، صعب تفوتوا بيستو بألوانه الأخضر والأحمر والأسلوب المبهرج، فيه ترابيزتين داخل المطعم لأن أغلب مكان الجلوس بالخارج، علشان كده المطعم بـ يشبه مطاعم الوجبات السريعة بقوائم طعام منورة موجودة على ترابيزة زجاج كبيرة، كمان الخدمة ودودة ومستعدين.

شعارهم بـ يقول أنهم بـ يهدفوا إلى التخصص في الأكل الإيطالي لكن ده ممكن ما يكونش دقيق شوية، المنيو متنوعة فيها البيتزا ( 20.99 : 64.99 جنيه) والباستا (14.99 : 39.99 جنيه)، كمان تشكيلة من المقبلات المقلية ( 7 : 15 جنيه) والساندويتشات (14.99 : 29.99 جنيه) والسلاطات (4.99 : 10.99 جنيه) كمان أطباق الفراخ (34.99 : 44.99 جنيه) وأطباق اللحوم (37.99 : 57.99 جنيه)، كمان فيه تشكيلة من المشروبات الساخنة (5.99 : 9.99 جنيه) والباردة (4.99 : 9.99 جنيه) أو العصائر الفريش (9.99 جنيه)، المياه الغازية بـ تُقدم  ساقعة مع كأس لطيف على شكل ورد ومكعبات الثلج.

من المقبلات اختارنا طبق متنوع وغامض (15 جنيه) اللي بعد كده عرفنا أنه تشكيلة من أجنحة الدجاج اللذيذة مع عصى الموتزاريلا مع حلقات بصل بسيطة وكمان ناتشوز وشوية جبنة ذائبة، الطبق كله كان هائل وطعمه يجنن ويناسب المشاركة.

علشان نختبر الإحساس الإيطالي أكثر طلبنا لازانيا (24.99 جنيه) واختارنا الفراخ المقلية (34.99 جنيه) وسلاطة يوناني (10.99 جنيه)، سرعة أكبر من اللي توقعناها في وصول الطلبات لكن للأسف أبعد ما تكون عن الطعم الإيطالي، شرائح الباستا في اللازانيا كانت مطبوخة زيادة عن اللزوم واللحمة المفرومة كانت شبه منقوعة الشيء اللي خلانا نفقد الطعم الكويس، طبق الفراخ المقلية كان أحسن شوية واخدة لون البني الذهبي مع قطع من الجبن الذائبة من فوق، كان مُقدم معها اختيارنا من المكرونة المطبوخة كويس بالصلصة البيضاء، السلاطة اليوناني كانت المفضلة لنا، مقرمشة وطازجة وناعمة كمان بجبنة الماعز اللطيفة والطعم المنعش.

من قائمة الحلويات، الطبقين اللي كانوا موجودين كانوا تشيز كيك شوكولاتة (9.99 جنيه) وتشيز كيك فانيلا (11.99 جنيه)، اختارنا الأخيرة كنا مبسوطين منها لكن ما كانتش متخصصة قوي في الحلويات، كانت حلوة وبعيد عن أي عنصر تقدروا تقيموه من خلالها.

يعتبر لسه جديد على ساحة المطاعم، لكن مشكلة بيستو هو الإحباط من مبدأهم النظري الممتاز، لكن لو هـ تحتاجوا وجبات سريعة وأنتم جعانين، ممكن تعدوا هناك.

نصيحة 360

خدمة التوصيل في المطعم هـ تبدأ خلال الأسابيع الجاية، اتصلوا بـ 01156100056.

أحسن حاجة

الأكل كان جاهز في وقت بسيط قوي.

أسوأ حاجة

اللازانيا كانت أكبر إحباط.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح