The Definitive Guide to Living in the Capital , Cairo , Egypt

مطاعم
توب دوجز

توب دوجز: أحلى هوت دوج موجود في الزمالك

  • 5 شارع ابن النبيه
  • مأكولات سريعة
تم التقييم بواسطة
Tanya El Kashef
قيم
قيم الآن
توب دوجز: أحلى هوت دوج موجود في الزمالك

بقى له أسابيع بـ يغرينا بصور الهوت
دوج على الفيس بوك وتوتير، ومسابقات علشان يتعرف على معلوماتنا عن الهوت دوج،
آخيراً فتح «توب دوجز – Top Dawgs» بعد ما انتظرناه كثير.

موجود في شارع زحمة جداً في الزمالك هو
شارع ابن نبيه، ما بين «كافيه بين& تي ليف» و«كرامبز» توب دوجز أول محل
متخصص في هوت دوج في القاهرة، سهل جداً أنك تعرف المحل في الشارع علشان علامته
الحمراء الواضحة وألوانه الرمادي الداخلية. هو من الداخل بسيط جداً فيه مكان للطلبات
ومكان وقوف، «توب دوجز» من أحلى الأمكان اللي ظهرت في القاهرة مؤخرًا.

السوسيس مختلف في وصفته وطريقة صنعه،
ولأنه مصنوع من فريق توب دوجز خصيصاً للمحل فصعب أنك تلاقيه في أي مكان تاني للبيع.
العيش مصنوع خصيصاً في مطعم  مولينو،
هو 100% منتجاته أورجانيك أو عضوية ومن غير أي مواد حافظة، هو صابح جداً وبـ يستخدم
بس في نفس اليوم المصنوع في.

أنواع الهوت دوج هناك كثيرة جداً
وجوعتنا جداً، فيه أنواع غير تقيليدية زي “مركيز دوج” وده عبارة عن
سوسيس من اللحم الضاني مع الهريسة والمسطردة وبصل متحمر بـ 38 جنيه، و”براتورست
دوج” وده سويس من لحم العجل ومخلل ملفوف ومسطردة صفراء. كان فيه أنواع تانية
زي نيويورك هوت دوج، شيكاغو دوج  وباربيكيو بيكون دوج. ممكن كمان تختار ما بين
عيش الباجت أو عيش السوفت بريد للساندويتش.

إحنا في الأخر قررنا نطلب توب هوت دوج
الأوريجينال بـ 23 جنيه وأضفنا عليه جبنة شيدر بـ 2.50 جنيه ودوج جبنة تشيلي بـ 28
جنيه والبلو تشيز دوج بـ 29 جنيه. كلهم حجمهم كبير، وكلهم بـ يقدموا في باسكت
وطعمهم رائع زي شكلهم بضبط.

الأوريجنال هوت دوج كان معه كاتشب،
مسطردة وبصل. الجبنة المضافة كان اختيار موفق، كل المكونات مع بعض كانت رائعة
وطعمها لذيذ. التشيلي هوت دوج كان حلو جداً، طعم التشيلي كان مغرق السويس مع قطع
الهاليبينو ومغطى بالجبنة كان رائع. أطلب من العامل أنه يسيح الجبنة كويس. البلو
تشيز اختيار بديل  للهوت دوج الكلاسيك بس
كانت حلو جداً. ممكن تطلبه مع الخس والجبنة في عيش باجيت هـ يكون إختيار خفيف وحلو
للغذاء.

البطاطس المحمرة كانت طبق جانبي مع
الساندويتش، كانت محمرة كويس ومقرمشة تعتبر من أحلى البطاطس إللي أكلنها في
القاهرة، ورغم أننا شبعنا بس أكلنا البطاطس كلها.

لو حابب تعمل الهوت دوج بتاعك، المنيو
بـ تقدم مكونات وإضافات مختلفة وكثيرة. الكاتشب، المسطردة، المايونيز، الباربيكيو
صوص كل دي إضافات مجانية، بس كل ما تختار إضافات مختلفة بـ تدفع عليها. أول مرحلة
من الإضافات زي صور كريم التوباسكو، الفلفل الحار المكسيكي والمخلل بـ 2.5 جينه
للواحد، أما المرحلة الثانية للإضافات بـ 4.5 جنيه للبيف بيكون، البلو تشيز
والفجل.

الحقيقة أن مافيش حاجة ماعجبتناش في «توب
دوجز»، السوسيس كان طعمه تحفة، العيش أورجانيك والإضافات كثيرة ومختلفة والبطاطس
المحمرة رائعة.

نصيحة 360

ممكن تطلب منهم أنهم يسلقوا السويس لو أنت بـ تحبه مسلوق.

أحسن حاجة

هـ نلاقي مكان نروحه وإحنا جعانين الساعة الواحدة بعد منتصف الليل.

أسوأ حاجة

ممكن يبقى إدمان.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح