The Definitive Guide to Living in the Capital , Cairo , Egypt

أوقات، كل اللى بـ تكون محتاجه أكلة سريعة وآمنة من محل معروف تساعدك على إكمال يومك. قرارك الجرئ بتجربة مطعم جديد بـ يقدم أطباق مختلفة ممكن ينتظر ليوم آخر، والنهارده خليه أجازة للمغامر اللى جواك. من هنا، طلعنا على فرع “تى جى آى فرايدايز- T.G.I Friday’s” القاهرة الجديدة، وكانت النتيجة تدمير كل آمالنا فى الاستمتاع بأكلة لذيذة.

فى الدور الأرضى من مول أمريكانا بلازا فى القاهرة الجديدة، فرايدايز بـ يقدم قعدات داخل وخارج المكان. نظرًا إلى أن خارج المكان كان الجو خامل نوعًا ما، دخلنا المطعم نفسه وهناك رحب بنا الجرسون البشوش وأرشدنا لترابيزتنا فى المنطقة الممنوع فيها التدخين. المكان يملك نفس التصميم الأمريكى المعتاد، بحجرات دائرية، ترابيزات وحوائط مغطاة بالبوسترات.

أول ما استقرينا على ترابيزتنا، الجرسون قدم لنا المنيوهات وتكلم طويلاً عن أطباقهم الخاصة. كان نفسنا فى دقيقة لوحدنا مع المنيو، لكنه استمر فى سؤالنا إذا كنا مستعدين لطلب أى مقبلات أو مشروبات.

أخيرًا، وبعد ما استوعب أننا محتاجين نشوف المنيو على مهلنا، قرر الجرسون يتيح لنا الفرصة. المنيو بـ تقدم أكلاتهم المعروفة الغنية بالدسم، واللى كلنا بـ نحبها لكن بـ نكرهها، ونكرهها لكن نحبها؛ نعتقد السبب مفهوم! مكرونات، وستيك، وبرجر، وساندويتشات، وتاكو، وكاساديا، وفاهيتا؛ اطلب وتمنى.

أكلنا وصل سريعًا، وعلى طول بدأنا الرحلة. بعد ما تذوقنا الثلاثة أطباق، لاحظنا أنهم يجمعهم مشكلة خطيرة: نقص فى التتبيلة والنكهة بشكل غير طبيعى. طبق فراخ كاتشياتورى مشوية (57.99 جنيه)، المكون من صدور مشوية عليها صوص طماطم ومشروم ومعاه مكرونة بالريحان، كان معدوم النكهة، وبدون أى وجود لتتبيلة للفراخ، والمكرونة كانت مزيتة شوية. الجارليك تشيكن باستا (49.99 جنيه) كانت أفضل شوية من ناحية النكهة لكن تفتقد طعم الثوم المميز اللى كنا نتمناه. نفس الكلام بالنسبة للطبق الأخير معانا، طبق فرايدايز الشهير تشيكن فينجرز (49.99 جنيه) اللى ينقصه النكهة. أما بالنسبة للبطاطس المحمرة اللى مع الطبق كانت لذيذة، ومقرمشة وطازجة.

الكميات الكبيرة أكملت تجربة الأطباق السيئة، إيه الكمية اللى تقدر تأكلها فى ظل عدم وجود أهم عنصر فى الأكل؟ الخدمة اللطيفة السريعة حقيقى تستحق الإشادة، لكن محاولة خلق أجواء تقليدية مع أكلات سريعة بـ يكون صعب التحقيق فى أماكن زى فرايدايز وأقرانه.