The Definitive Guide to Living in the Capital , Cairo , Egypt

مطعم جابريال – Gabriel Restaurant

جابريال: مطعم أنيق جدًا في المهندسين

  • 30 شارع عبد المنعم رياض - من البطل أحمد عبد العزيز - المهندسين
  • 01027900004
written by
Nada Faied
قيم
قيم الآن
جابريال: مطعم أنيق جدًا في المهندسين

شكل المطاعم في القاهرة أو فى أى مكان هو أهم حاجة بـ تشدك له، تخيل بقى لو كان مكان شيك ونظيف وفي نفس الوقت طعم الأكل جميل، ده اللي شدنا في مطعم “جابريال – Gabriel” اللي بـ يقدم أكل إيطالي في شارع عبد المنعم رياض في المهندسين، شياكة المكان وديكوره اللي بـ يحسسك أنك داخل مطعم أنيق في فرنسا مثلاً.

عرفنا أن مطعم جابريال فتح قلنا لازم نروح نجرب المكان وأكله والجو عامل إزاي، كان لازم نحجز قبل ما نروح فـ اتصلنا وحجزنا وأول ما رحنا لقينا الجرسون بـ يستقبلنا على الباب بابتسامة لطيفة ولقينا مكان هادئ جدًا وشموع وبيانو كبير علشان كل يوم بـ يكون في عزف بيانو Live للناس اللي بـ تأكل، المكان كان مُقسم لقسمين: قسم مطعم والقسم الثاني كافيه في منطقة مفتوحة عبارة عن كراسي وترابيزات ملونة ألوان جميلة بـ يقدم شيشة ومشروبات،  قعدنا وجاء لنا المنيو اللي كان مُقسم لكذا منيو، منيو للباستا اللي بـ تتراوح أسعاره ما بين 53: 65 جنيه ومنيو لأطباق التشيكن 65: 80 جنيه ومنيو للستيك 90: 180 جنيه ومنيو للسي فوود 105: 150 جنيه ومنيو للبيتزا 50: 65 جنيه.

بعد مجهود كبير من كثر الحاجات اللي في المنيو قررنا نطلب طبق صدور الفراخ المشوية مع صوص المسطردة والليمون (75 جنيه) وطبق الستيك البقري المشوي مع أصابع السجق وصوص الجريفي (95 جنيه) وسلاطة اللحوم الباردة مع الجبن (45 جنيه)، السلاطة نزلت لنا على طول والأكل نزل لنا بعد تقريبًا 20 دقيقة وكان سخن وحجم الطبق كبير جدًا، طبق صدور الفراخ المشوية اللي بـ تُقدم مع باستا السباجيتي والخضروات المشوية وبطاطس الويدجز، طعم الفراخ مع المسطردة والليمون كانو عاملين مزيج هائل والخضروات كانت مستوية كويس وطبق الستيك البقري المشوي كمان كان بـ يُقدم مع الباستا والخضار المشوي، صوابع السجق كان طعمها جميل وتسوىة اللحم كانت مضبوطة، طعم الجريفي صوص المكون من البصل والثوم والخل كان لذيذ جدًا مع اللحم والسجق، سلاطة اللحوم الباردة مع الجبن كانت مكونة من التركي والبيف المدخن مع الخس والجرجير والزيتون وجبنة الشيدر والهالوبينو.

كان نفسنا نجرب الحلو من عندهم لكن حجم الأطباق بتاعتهم كان كبير لدرجة أن إحنا شبعنا جدًا، بعد ما خلصنا الأكل جاء لنا مدير المكان وسألنا إذا كان لنا أي تعليق على الخدمة أو الأكل وإيه تقييمنا لهم، الخدمة في جابريال كانت أكثر من رائعة والأكل هائل وكل الويترز ودودين جدًا ودائمًا على وجههم ابتسامة.

نصيحة 360

روحوا في عيد الحب، جابريال هـ يبقى فيه عزف بيانو Live وهـ يقدموا هدايا للناس كمان، زوروا صفحتهم على الفيسبوك.

أحسن حاجة

الخدمة ممتازة.

أسوأ حاجة

صوت المزيكا في المكان عالي شوية.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح