The Definitive Guide to Living in the Capital , Cairo , Egypt

جست فلافل – Just Falafel

جست فلافل: ساندويتشات فلافل مبتكرة على مزاجك في كايرو فيستيفال سيتي

تم التقييم بواسطة
Aliaa Serry
قيم
قيم الآن
جست فلافل: ساندويتشات فلافل مبتكرة على مزاجك في كايرو فيستيفال سيتي

أكثر شيء بـ يميز الأكل بين الوجبات هو أنه مش بـ نحس بعده بالتخمة اللي بـ نحس بها في الوجبات العادية. ويا سلام بقى لما تبقى الوجبة الخفيفة عبارة عن ساندويتش فلافل على الماشي من جست فلافلJust Falafel في كايرو فيستيفال سيتي، بعلامته التجارية الشهيرة، مش هـ تلاقي صعوبة أثناء جولتك في المول أنك تلاقيه. تجربتنا الأولى بعد افتتاحه أول فروعه في المعادي السنة اللي فاتت ما كانتش حماسية بالدرجة المطلوبة، فقررنا أننا نشوف الفرع ده نظامه إيه.

الجرسون استقبلنا وقدم لنا المنيو بترحاب شديد، اقترح علينا اختيارت الخبز المختلفة وعرفنا أننا ممكن نضيف أو نحذف أي من مكونات الساندويتش، بعد ما نكون اختارنا نوع الفلافل اللي إحنا بـ نحبه.

المنيو نفسه فيه مجموعة من الساندويتشات الجاهزة المستوحاة من مطابخ عالمية، بأسعار تتراوح بين (9 – 16 جنيه)، ووجبات أسعارها من (18 – 25 جنيه)؛ ده غير أن المنيو كمان بـ يقدم مجموعة من الاختيارات الصحية زي الفلافل المخبوزة (بإضافة 4 جنيه) والخبز البني (بإضافة 3 جنيه). لفت نظرنا أن عدد المكونات اللي ممكن نضيفها كبير ومختلف، زي الجبنة الموتزاريلا والشيدر، وكذلك الأطباق الجانبية زي “فلافل بايتس” (8 جنيه)، سلاطة الكول سلو (7 جنيه) وغموس الـ “تساتسيكي” (5 جنيه). الحلو الوحيد الموجود في المنيو هو “النوتيلا توستي” (14 جنيه).

في خلال عشرين دقيقة الطلب كان جاهز؛ ساندويتش “الأوريجينال” المكون من الفلافل المخبوزة والعيش التورتيا البني كان رائع، وخصوصًا أن كل قطمة فيها طعم خفيف للنعناع. “الإيطالي” (16 جنيه) كان متميز، واكتشفنا أن الجبنة الموتزاريلا في ساندويتش الفلافل اختراع مذهل. خبز الشيباتا كان طازج وصوص البيستو بالمايونيز كان لذيذ بالرغم من أنه كان محتاج يزيد شوية. 

جست فلافل بـ يقدم جبنة حلوم مشوية (16 جنيه)؛ جربناها مع العيش البني، ولكن للأسف ما كانتش بجودة الساندويتشات الثانية، الموضوع كان فرق كثير لو كان فيه أي نوع من الأعشاب على الجبنة.

إجمالًا، جست فلافل ساندويتشات خفيفة ممكن تأكلها في أي وقت تقريبًا، وفكرة ساندويتشات الفلافل المستوحاة من المطابخ  العالمية هائلة وناجحة تمامًا، وفي رأينا تستحق التجربة.

نصيحة 360

جست فلافل بـ يوصل، وممكن تلاقي فروعه في كل مكان: سور نادي الزمالك، المعادي و6 أكتوبر.

أحسن حاجة

الاختيارات متعددة وكثيرة ممكن تعمل بها ساندويتش الفلافل على مزاجك.

أسوأ حاجة

الساندويتشات حجمها صغير.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح