The Definitive Guide to Living in the Capital , Cairo , Egypt

جمبالايا – Jambalaya

جمبالايا: مطعم أسبانى أنيق فى الزمالك

  • 37 أ شارع أحمد حشمت
  • أسباني
  • 01100220077
تم التقييم بواسطة
Cairo 360
قيم
قيم الآن
جمبالايا: مطعم أسبانى أنيق فى الزمالك

رغم الاضطرابات الأخيرة فى مصر، افتتاح مطاعم جديدة فى القاهرة لسه مستمر. “جمبالايا – Jambalaya” المطعم الأسباني المفتتح حديثًا، يعتبر أحدث إضافة للتنوع الموجود فعليًا فى المطابخ المنتشرة بطول وعرض العاصمة. المطعم الأنيق متمركز فى منطقة الزمالك المتحضرة، ويتكون من دورين، الدور الأول مخصص للطلبات السريعة والترحيب بالزبائن، أما الثانى فهو مكان الجلوس.        

بعد ترحيب لطيف من الموظفين، قعدنا فى الدور الأول لغاية ما تتوفر ترابيزة فاضية. الدور الثانى صغير شوية، يزينه ديكورات محدودة على الطراز الأسباني، تشمل هدايا صغيرة لكن رائعة.

بتقديمها لمجموعة متنوعة من الأطباق الأسبانية والمزات الأسبانية tapas، المنيو تعتبر فريدة ومميزة. بالنسبة للمشروبات، طلبنا أبريق من السانجريا المميزة الخالية من الكحول (30 جنيه). المشروب الخريفى المكون من عصير العنب مع التفاح بالقرفة، كان لذيذ الطعم ويكفى فردين. صحيح كنا نفضله يكون أبرد من كده، لكن المشروب المنعش كان على العموم بداية مميزة لأكلتنا.

طلباتنا من المقبلات كانت كالتالى Patatas Bravas بسعر 36 جنيه وهو عبارة عن مكعبات ساخنة من البطاطس عليها صوص مخصوص من الكاتشب والمايونيز- وGambas al Pil Pil بسعر 45 جنيه أو الجمبرى الصغير المغموس فى صوص الثوم الحار– وبعدهم طبق الباييا الرئيسى Jambalaya Paella  Mixta بـ 50 جنيه.

بعد وقت طويل شوية وصل طبقين المقبلات أخيرًا، وبعدهم على طول الطبق الرئيسى. وزى أى طبق تاباس tapas، الكميات بـ تكون صغيرة، علشان كده ننصحك تجرب أكثر من طلب علشان تقدر تحكم. من وسط كل اختياراتنا البطاطس كان الطبق المفضل في رأينا؛ البطاطس كانت فعلاً طرية، أما الصوص فكان لذيذ وأضاف نكهة قوية. الجمبرى كمان كان شهى، مطبوخ بامتياز مع الصوص اللى أضاف نكهة متميزة للطبق.

فى النهاية –مع توقعاتنا بطبق مميز– الباييا paella كانت مهرجان من النكهات. مكونة من أرز بالكركم، سوسيس، فراخ وكل الخضروات اللازمة لعمل الباييا. رغم أنها مش أجمد باييا نجربها وينقصها الطعم الأصيل اللى منتظره من مطعم فالينسي الأصل، لكنه يفضل طبق متماسك، نكهاته مميزة وسط مدينة شهدت قليل، أو يمكن لم تشهد أصلاً مطعم أسبانى بالمعنى الحرفى للكلمة.

بغض النظر عن الخدمة البطيئة، جمبالايا بـ يقدم تغيير مطلوب بشدة بعيدًا عن مطاعم القاهرة المعتادة.

نصيحة 360

وقت الأجازات، لازم تكلمهم وتحجز مسبقًا، اتصل بـ 01100220077.

أحسن حاجة

البطاطس اللذيذة.

أسوأ حاجة

الباييا أقل مستوى من الموجود فى القاهرة.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح