The Definitive Guide to Living in the Capital , Cairo , Egypt

جود كالز – GoodCals

جود كالز: سلاطات طازجة وصحية فى الزمالك

تم التقييم بواسطة
Tanya El Kashef
قيم
قيم الآن
جود كالز: سلاطات طازجة وصحية فى الزمالك

من الواضح أن فيه انتشار مستمر لأماكن أكل جديدة بـ تفتح
فى القاهرة، معظمها بـ يتركز فى الزمالك. أحدث مكان هـ تلاقيه فى شارع شجرة الدر
هو «جود كالز – Goodcals».

على سبيل التغيير اللطيف “جود كالز” بـ يعرض أطعمة
“خالية من الشعور بالذنب”، وبـ يقدم فقط سلطات وساندويتشات. المكان نفسه
بسيط جدًا، مصمم بألوان خضراء وبيضاء، فى المنطقة الخارجية هـ تلاقى ترابيزتين على
الرصيف، وداخل المكان ترابيزتين أقصر متاحين كمان. المكان صغير إلى حد ما بس الحائط
على اليمين وأنت داخل عبارة عن مرايا بـ تعطى إحساس خادع شوية -بس مبهج- أن المكان
أكبر.

أول ما تدخل هـ يقابلك كاونتر الطلبات، وراء الزجاج تشكيلة
من المكونات فى أوعية ستانلس ستيل، هـ تلاقى قائمة بالاقتراحات مُعلقة على الحائط
لو مش حاسس أنك عارف أنت عاوز إيه.

بعدد السعرات المكتوبة جنب كل اختيار جربنا سلاطة جرين &
مارينGreen & Marine salad  (34.99 جنيه)، وسلاطة الفيجى Veggie salad (23.99 جنيه)، وساندوتش الحالومىHalloumi sandwich (21.99 جنيه)، وساندويتش روست بيف Roast beef sandwich (29.99 جنيه).

التكييف كان عالى جدًا وإحنا منتظرين الأكل، وعلشان كده
خرجنا بره علشان ما نقاومش النسيم غير المريح، الموظفين كانوا لطاف، لكن مش بـ يتمتعوا
بمرونة كافية وبطيئين جدًا جدًا. عجبتنا قوى الدقة فى المكونات وتغليف الساندويتشات،
لكن السرعة والحيوية مهمين برضه في مكان زي ده.

بوجه عام السلاطات كانت كويسة جدًا، سلاطة جرين & مارين
كان فيها جمبرى، وأفوكادو، وبيبى كورن، وطماطم، وخس وعليها صوص ليمون. كل المكونات
كانت جميلة وطازجة لكن تتبيلة الجمبرى كانت ممكن تبقى أحسن علشان تعطيها مذاق أفضل
شوية. سلاطة الفيجى كانت كمان طازجة بالسبانخ، والفاصوليا الحمراء، والبروكلى،
والخس، طلبناها مع صوص الرانش. نوعين السلاطة غالبًا كانوا من أفضل السلاطات اللى
جربناها فى القاهرة لكن الصوص كان ممكن يبقى أكثر شوية.

ساندويتش الحالومى كان حلو جدًا بالطماطم، والجرجير، والمايونيز
الحراق. الساندوتش كان خفيف وصحى بـ يثبت أنه اختيار كويس بين الفطار والغذاء. ساندوتش
الروست بيف كان فيه طماطم، ومشروم، وبصل. الموضوع كان عمومًا ممتع لكن المشروم ما كانش
طازج.

إجمالاً “جود كالز” إضافة كبيرة جدًا للأماكن المفتوحة
فى الزمالك، دلوقتى تقدر تسمع من بنات كثير جمال الإحساس أنك ممكن تأكل حاجة مافيهاش
دهون أو غير صحية بأى شكل من الأشكال وأنت رايح على شغلك.

نصيحة 360

اطلب صوص زيادة علشان واحد بس مش كفاية.    

أحسن حاجة

تقدر تعمل سلاطة على مزاجك بمكونات طازجة.

أسوأ حاجة

الموظفين محتاجين يكون عندهم مرونة.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح