The Definitive Guide to Living in the Capital , Cairo , Egypt

درويش – Darwish

درويش: أكلات مصرية شعبية فى المهندسين

تم التقييم بواسطة
Ahmed El Dahan
قيم
قيم الآن
درويش: أكلات مصرية شعبية فى المهندسين

مافيش شك أن شارع جامعة الدول يعتبر نوعًا ما وكر لمطاعم القاهرة. الشارع الزحمة فى المهندسين دائمًا بـ يجذب أهل القاهرة وغيرهم اللى بـ يفكروا يأكلوا سواء كان فى أشهر سلاسل المطاعم أو فى الأماكن الصغيرة اللى مش معروفة.

“درويش” مطعم لسه فاتح قريب، متخصص فى الأكلات المصرية بأبسط صورها. المنيو سريعة وملخصة وده بـ يسهل عملية الطلب. بساطته مش دليل خالص على جودة الأكل، بس فى الحقيقة، الطباخين هناك قدروا يقدموا أكلات ممتازة.

المطعم عبارة عن محل صغير وسط الشارع الزحمة، ومدخله المكشوف بـ يسمح لسحب الدخان تخرج من شوايتهم الجذابة. مع عدد محدود من القعدات داخل المطعم، فيه قعدات ثانية بره المكان بسيطة وجذابة من كراسى بلاستيك حمراء وترابيزات أسطحها من المعدن.

صحيح درويش بـ يعمل ساندويتشات منها شاورما فراخ أو لحمة (5: 15 جنيه)، السحر اللى بجد بـ يظهر فى الوجبات الكاملة زى نصف فرخة مقلية مع ملوخية وأرز (22جنيه) أو فتة (25 جنيه). الطحينة والبابا غنوج (3 جنيه) عندهم قوامهم سميك وغنى بالنكهة، وبعيد كل البعد عن القوام السائل المنتشر فى كثير من المطاعم.

كانت حاجة كويسة أن الأرز زيته قليل عن الموجود فى أغلب مطاعم القاهرة، ومع طعم الملوخية، كده أنت قدرت تكون أكلة مصرية بسيطة.

طلبنا من الكفتة (104 جنيه/ للكيلو) كان طري وبـ يمضغ شوية، وقُدمت على فرش من الأرز وعليها حوالى ثلاثة أو أربعة أرغفة عيش، ومع واحدة أو اثنين سلاطة طحينة، كده الأكلة بقيت تمام.

نصف فرخة درويش المشوية (22 جنيه) حجمها كان كبير ومشوية صح الصح، خصوصًا اللحم الغامق اللى طعمه كان لذيذ، والفضل يرجع للتبيلة والبهارات الرائعة. على الطريقة المصرية، قطعنا الفراخ لقطع صغيرة ورميناهم فى طبق الأرز والملوخية.

بصفته مستجد فى منافسات جامعة الدول، وسباق المطاعم الصعب فى أغلب الوقت، جايز درويش مش بـ يقدم حاجة مبتكرة، بس على العموم، موقع المطعم الممتاز مع الأكلات السريعة المعروفة هـ تجذب كثير من الجعانين.

نصيحة 360

درويش عنده خدمة توصيل، اطلب 01141688123.

أحسن حاجة

الكفتة كانت لذيذة.

أسوأ حاجة

كمية السلاطة الخضراء والمزات كانت صغيرة.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح