The Definitive Guide to Living in the Capital , Cairo , Egypt

ذا باك يارد – The Backyard

ذا باك يارد: برجر متوسط الجودة مستخبي في المعادي

  • برجر
  • 01280216728,01280216731
  • 9 صباحًا - 12 صباحًا -
تم التقييم بواسطة
Gaser El Safty
قيم
قيم الآن
ذا باك يارد: برجر متوسط الجودة مستخبي في المعادي

شارع 9، وما أدراك ما شارع 9، الكافيهات والمطاعم فيه بـ يتغيروا بسرعة أكثر من قدرتنا على المتابعة، وصعب حتى تتوقع مين فيهم يقدر يستمر وينجح، رواد الشارع بـ يكونوا من مراحل عمرية مختلفة، ووقت ما مجموعة من الأماكن بـ تحاول تخدم كل الأعمار، مجموعة ثانية بـ يتفوقوا في التعامل مع فئات معينة.

لما تدخل من ممر صغير جنب وك أند واك، هـ تفهم سبب تسميته "ذا باك يارد –The Backyard"، مطعم مفتوح على طراز ضاحية بروكلين بجرافيتي مرسوم على الحوائط، نجيل صناعي وزبائن من الشباب الصغير، صوت الموسيقى كان عالي جدًا ومش مناسب لوجبة هادئة.

قدرنا نلاقي مكان وسط الترابيزات والكراسي الخشبية اللي بـ تشبه أثاث الجنينة، ولما الجرسون شافنا، بدأ يوزع المنيوهات على الترابيزة.

المنيو عبارة عن مجموعة اختيارات من المقبلات، البرجر والبطاطس، ومن هنا طلبنا برجر ذا بيكون (51.50 جنيه) وجواكامولي (47 جنيه) مع كيرلي فرايز (18 جنيه) وتشيلي فرايز كون كارني (23 جنيه) مع برجرهم المميز باك يارد برجر (59 جنيه)، طلبنا كمان من المقبلات كاممبرت بايتس Camembert Bites (20 جنيه). باك يارد بـ يقدم كمان أكلات للإفطار وعنده قسم للحلويات في مبنى منفصل الناحية الثانية من المطبخ، وفيه هـ تلاقي مجموعة لذيذة من الكيكات، الماكرونز وحلويات ثانية.

أول حاجة وصلت كانت الكاممبرت بايتس بقشرة مقرمشة لذيذة مع ثومية، بعد وقت بسيط وصلت البطاطس مع البرجر، رغم أنهم ما سألوش عن طريقة طهي البرجر المطلوبة، لكن البيكون المكون من 160 جرام لحم وعليه خس وطماطم طازجة مع بيف بيكون لذيذ جدًا، مطبوخ بدرجة متوسطة مناسبة.

بالنسبة للجواكامولي فكان مش مِستوي كويس، لدرجة أن قطعة اللحم كانت لونها وردي بدرجة مبالغ فيها، الجواكامولي اللذيذ وصوص الناتشو كانوا مميزين والطعم بشكل عام كان أكيد جامد.

باك يارد برجر، والمكوّن من كمية كبيرة من اللحم، بيكون ومشروم في دوناتس –أيوه إحنا قلنا دوناتس– كان روعة بس المشكلة كانت صعوبة التحكم فيه علشان الدونات مش كبيرة زي العيش، الأكل الحادق لما يختلط مع طعم الدونات المسكّر ممكن يكون غريب عند ناس، لكن النتيجة النهائية كانت مُرضية.

التشيلي فرايز رغم أن كميتها مش كبيرة، لكن كانت غرقانة جبن وطعمها لذيذ، يمكن مش مشطشطة على عكس اسمها، لكن عمومًا هي أجمد من أغلب التشيلي فرايز اللي جربناها في القاهرة، الكيرلي فرايز رغم أنها حاجة تقليدية، لكن طعمها يظهر عادي بعد ما جربنا التشيلي فرايز.

بشكل عام الأكل هناك لذيذ، وصحيح صوت الموسيقى العالي والشباب الصغير ممكن يناسب بعض الناس، لكن مش لكل الناس. رغم أن باك يارد مش بـ يقدم كثير من ناحية الابتكار، لكن التجربة عمومًا مع جمهور المعادي الكبير من الشباب هـ تستمر هناك لفترة.

نصيحة 360

برجر "باك يارد" عبارة عن 160 جرام من اللحم مع بيكون ومشروم في دوناتس.. أيوه دوناتس.

أحسن حاجة

المكونات الطازجة.

أسوأ حاجة

الإزعاج مش لكل الناس.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح