The Definitive Guide to Living in the Capital , Cairo , Egypt

الأكلات اللذيذة الدسمة حاجة تتميز بها القاهرة. فى الحقيقة كلنا بـ نحتاج مكان ثابت يقدر يلبى المتطلبات الأساسية، أسعار معقولة، كميات كبيرة وطعم شهى.

مطعم المعادى بـ ينفذ كل اللى فات بالحرف. قدر روسترى يوفر أجواء لطيفة، وساعده على كده منطقة سرايات المعادى الهادئة. يعتبر كمان واحد من المطاعم اللى تروحها أو تطلب منها مرات ومرات.

مع منيو ضخمة تشمل كل حاجة من المقبلات للسلاطة والسى فوود، والستيك، والبرجر والمكرونة، أكيد تقدر تبهر أى حاسة تذوّق.

قررنا نطلب كلاسيكيات روسترى: كانترى فرايد تشيكن (46.99 جنيه) معاه بطاطس مهروسة بالمرقة وذرة. قررنا كمان نجرّب طبق جديد علينا من الأطباق الرئيسية؛ جريلد سلامون فيليه (69.99 جنيه) مع أرز سى فوود وذرة.

سرعة وصول الأكل كانت مبهرة بالنسبة لنا. الأكل وصل ساخن ولذيذ فى أطباق كبيرة أكيد هـ يخدعك شكلها. البقسماط المستخدم فى الكانترى فرايد تشيكن كان هائل، والفراخ كانت مقرمشة ولذيذة، كالعادة يعنى. حفاظ روسترى على مستوى معين  هو فعلاً واحد من أهم عوامل نجاحه. البطاطس المهروسة مع المرقة كانت خفيفة، دافئة وحرّاقة نوعًا ما ، أما الذرة كانت متضبطة بالزيت. مقابل 46.99 جنيه، أكيد الطبق يعتبر هائل بالنظر لسعره.

نروح للسلامون، رغم أنه كان جاف شوية، كان له قشرة مقلية رفيعة قدرت تضيف كثير لطعم الفيليه. أضاف للطعم كمان صوص الليمون بالزبدة وأرز السى فوود، اللى كان محتاج شوية كاليمارى أو جمبرى زيادة، بس يفضل الطعم روعة مافيش كلام.

من الحاجات الرائعة فى روسترى، وتشعر بها جدًا فى حالة كنت واقع من الجوع، أنك تقدر تطلب إضافتين للطبق الرئيسي من الأرز أو المكرونة، وبكده يكون عندك أكل يكفى فردين مستريح.

روسترى مشهور كمان بحلوياته اللذيذة، وعلشان كده طلبنا تشيز مادنيس (26.99 جنيه) وآبل باى مادنيس (26.99 جنيه).

الموضوع ببساطة أنهم بـ يأخذوا التشيز كيك العادية، يخلطوها فى وعاء مع بولات من الآيس كريم والبسكويت، وبعدين يغطوهم بـ صوص فراولة. الاختلاف بين قوام وطعم مسكّر للآيس كريم والفراولة مقابل الكيك والبسكويت خلق حلوى لازم تجربها.

نفس الكلام بالنسبة للآبل باى مادنيس، المعمولة من فطيرة بدلاً من الكيك، وعليها صوص كراميل. صحيح النكهة كانت مش جامدة زى الطبق الثانى، لكن تفضل الآبل باى مادنيس واحدة من الحلويات الجامدة.

روسترى بشكل عام قدر يحقق كل عناصر النجاح لأكلة لطيفة؛ كمية أكل ضخمة، جودة كويسة بأسعار ممتازة، وكمان بـ يوصولوا للبيوت فى حالة إحساسك بالكسل أنك تنزل، وبجد طعمه رائع.