The Definitive Guide to Living in the Capital , Cairo , Egypt

ريشو – Richoux

ريشو: قطعة من روح لندن فى أركان مول الشيخ زايد

  • أركان مول - أمام كومبوند زايد 2000
  • عالمي
  • 01065511244
تم التقييم بواسطة
Angie El Batrawy
قيم
قيم الآن
ريشو: قطعة من روح لندن فى أركان مول الشيخ زايد

عمرك ما سافرت لندن؟.. الجميل فى مطاعم القاهرة أنها بـ تقدم لك كل المطابخ والأكلات المبتكرة بحيث يكون الاختيار لك فى النهاية حابب تسافر لأى بلد أو تتذوق أطباق جديدة مش هـ تجربها إلا لو سافرت، ولأننا نفسنا نسافر لندن قلنا نحس بروحها في “ريشو – Richoux” اللى أصبح له فرع ثالث فى أركان مول فى الشيخ زايد بعد فرعي المهندسين وسيتي ستارز.

مكتوب فى المكان أنه تأسس فى لندن من سنة 1909 وشعارهTraditional restaurant & Tea room، للأسف وقت زيارتنا كان بالليل ما كانش وقت شرب شاي خالص، لكننا زرناه زمان عام 2010 وكان تجربة شاي الظهيرة عظيمة، ديكور المكان مش شبابي خالص فممكن ما يشدش كثير مجموعات أصحاب خارجين سوا، تحسه عائلى أكثر أو لناس كبيرة، أول ما شفنا جو المكان اللى مليان خشب فى القعدات والحوائط.

استقبلنا مدير المكان وكان لطيف جدًا وكان متعاون لأن عددنا كان كبير وضم كذا ترابيزة جنب بعض فى المكان اللى اختارناه، لأن “ريشو” موجود على الشمال أول ما تدخل أركان فكان بـ يطل على الطريق، وبالتالى ننصحكم تلبسوا ثقيل لأن كمية الهواء البارد كانت مش طبيعية خاصة أن مافيش دفايات.

طلبنا من المنيو شوربة طماطم (23 جنيه) وباستا فيتوتشيني بالمشروم (44 جنيه)، وكمان كاجون تشيكن باستا (56 جنيه)، ومن السلاطات اختارنا سلاطة فراخ صحية Healthy Chicken Salad (43 جنيه) وده بـ يقدم فى طبق من العيش (يعني تأكل السلاطة وتكسر الطبق تنأنأ فيه معاها)، الطلب ما أخذش وقت كثير، الزمن كان ممتاز، الأكل بصفة عامة طعمه حلو، السلاطة كانت لطيفة بس مافيهاش حاجة Special إحنا ممكن نعملها فى البيت والعيش الطبق كان سميك شوية مش هش لما تقطمه، الباستا الصوص الأبيض بتاعها كان رائع، والفراخ مستوية كويس، عجبتنا قوى.   

ولأن الدنيا كانت برد جدًا قلنا ندفى نفسنا بكابتشينو (حجم عادي بـ 18 والكبير بـ 20 جنيه)، بعضنا راح لـ Option صحي وهو الليمون بالنعناع Minted Lemon Crush بالثلج المجروش (24 جنيه)، المشروبات لا غبار عليها حلوة جدًا والكمية كمان كويسة.

الخدمة والضريبة غاليين شوية، ريشو لهم صفحة على فيسبوك بس مافيهاش تحديث كل شوية محتاجة اهتمام بها أكثر. المكان لطيف والخدمة كمان، بالنسبة لنا هو مش أوبشن دائم نخرج فيه لكن ممكن نروحه لما توحشنا لندن!

نصيحة 360

جربوا قعدة شاي الظهيرة هناك وقولوا لنا رأيكم.

أحسن حاجة

الباستا.

أسوأ حاجة

الأسعار غالية قوى فى السلاطات وأقسام ثانية، زائد الخدمة والضريبة.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح