The Definitive Guide to Living in the Capital , Cairo , Egypt

ساكورا سوشي – Sakura Sushi

ساكورا سوشى: أقدم مطعم يابانى فى المعادى

  • 38 شارع 231
  • ياباني
  • 01221404984,01008725904
  • 12 ظهراً - منتصف الليل
تم التقييم بواسطة
Gaser El Safty
قيم
قيم الآن
ساكورا سوشى: أقدم مطعم يابانى فى المعادى

مافيش شك أن المطبخ الياباني يعتبر من أكثر المطابخ المهضوم حقها فى مصر، الموضوع أكبر من مجرد أكلة سوشى، لكن فى ظل تجميع كل المطابخ الآسيوية فى مطعم واحد بـ يقدم أكل تايلاندى، وكورى، وياباني وصيني، بـ تزيد صعوبة تمييز الفرق بينهم.

"ساكورا سوشى – Sakura Sushi" هو واحد من أقدم مطاعم المعادي. فى أول زيارة لنا فى 2010، في عز موضة السوشي فى القاهرة، تجربتنا هناك كانت ممتازة، ومن هنا قررنا نعمل زيارة جديدة للمطعم الصغير جدًا فى شارع 231 –جنب ستافولتا– ونشوف السنين عملت إيه فى المطعم الياباني المحبوب.

مافيش تغيير تقريبًا فى ديكورات المكان عن جو المطاعم العائلية العادي، لكن الجرسونات هناك محتفظين بروحهم اللطيفة زى زمان، ورتبوا لنا مكان بسرعة وعرضوا مساعدتنا فى الاختيار من المنيو.

من بين اختيارات مثيرة من الشوربة، والسلاطات والمقبلات، المنيو كمان تشمل عدد من الأطباق الرئيسية اللذيذة منها تشيكن كاتسو وسلامون ترياكي، مع أرز، نودلز ومنيو للسوشي.

علشان نأخذ فكرة عامة، طلبنا هانا كومبو (130 جنيه)، المكون من 24 قطعة سوشي مقسمة إلى 10 سوشي رولز، 8 كاليفورنيا رولز و6 ماكي رولز من اختيارك، بالإضافة لطبق بيف ترياكى (60 جنيه) وطلب أرز مقلي بالخضروات (10جنيه).

وقت التحضير كان سريع نسبيًا والأكل كان شكله لذيذ لمّا وصل. أكثر حاجة مميزة من بين الهانا كومبو كانت الكاليفورنيا رولز المقرمشة والمكوَّنة من شريمب تيمبورا، كابوريا وصوص ترياكى لذيذ، وكمان الفيلادلفيا رولز، المكوَّنة من سلامون وكريمة الجبن. صحيح السوشي كان طعمه لذيذ، وكمان حجمه مناسب، لكن كل قطع السوشي كانت غرقانة فى صوص الصويا أو بـ تتفكك قبل ما توصل للفم.

الترياكى بيف كان واحد من أحلى الأطباق من حيث إضافة الترياكي صوص اللى جربناها فى حياتنا. اللحم كان صعب المضغ شوية، لكن المشكلة الأكبر كانت كمية الأكل القليلة بالمقارنة بسعره (60 جنيه). بعيدًا عن أن الأرز المقلي كان إضافه هائلة للبيف، غالبًا ده أحلى أرز مقلي أكلناه فى أى مكان، ويقدر ينقذ أى طبق رئيسي مهما كان ضعيف.

خلينا نتكلم كمتخصصين، إحنا كنا متوقعين أكثر شوية من ساكورا؛ زمان كان الجو غير المريح بشكل عام بـ يعوضه الأكل والخدمة الممتازين، وساكورا لسه محتفظ بالكلام ده، لكن ينقصه بس يضبط شوية حاجات بسيطة.

نصيحة 360

ساكورا سوشى بـ يوصل؛ اتصل بـ 0225177519.

أحسن حاجة

صوص الترياكى مافيش أخوه.

أسوأ حاجة

كميات الأكل قليلة جدًا.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح