The Definitive Guide to Living in the Capital , Cairo , Egypt

مرفيز – Murphy’s

ساندويتشات ميرفى: رابس وساندويتشات مضبوطة فى المعادى

  • 30 شارع 253
  • مأكولات سريعة
  • 01126303030
  • 10AM - 2AM
تم التقييم بواسطة
Jessica Noble
قيم
قيم الآن
ساندويتشات ميرفى: رابس وساندويتشات مضبوطة فى المعادى
فى واحد من أهدأ الشوارع الجانبية الكثيرة فى المعادى هـ تلاقى محل ساندويتشات صغير اسمه “ميرفيز”، أمام المطعم فيه ساحة فناء مودرن فيها مكان وحيد متاح للجلوس، ترابيزتين حدائق مع كام كرسي، من الأفضل أنك تطلب خدمة التوصيل أو تأخذ أكلك تيك أواى لو المكان زحمة، وعلى الرغم من مساحته الصغيرة إلا أن واجهته هـ توصل لك انطباع جيد لما تروح لأول مرة.

لما هـ تدخل المكان هـ تحس أنك دخلت مطبخ، هـ تلاقى كاونتر صغير للأكل بـ يفصل بينك وبين الشيف، المنيو صغيرة لكن فيها تشكيلة لطيفة جدًا من الرابس والجريلدوجز Grilledogs والأطباق الجانبية والصوصات والمشروبات والحلويات، كنا مش عايزين نقول على ميرفى أنه المكان الوحيد فى المعادى اللى بـ يقدم ساندويتشات فى الوقت اللى مافيش حاجة أمامك فى المنطقة تقول عكس كده.
طلبنا رابس فراخ مقلية بصوص سويت أند ساور (20 جنيه)، حجم كبير لجريلدوج (21 جنيه)، وبطاطس بالجبنة (9 جنيه)، ورابس نوتيلا بالبندق (12 جنيه) علشان ننهى بها زيارتنا، ثلاجة المشروبات مليانة بالمشروبات المعتادة وكمان مشروبات صودا غير معتاد أنك تلاقيها، والمفاجأة أننا دفعنا أقل من 100 جنيه فى وجبة لفردين هناك.
وصل أكلنا، للحظة الأولى كنا محبطين من حجم الساندويتشات والأكل اللى أكيد مش هـ يشبع جوعنا فى حين أن حجم البطاطس المحمرة كانت كبيرة وطعمها رائع، لكن للأسف كان عليها صوص جبنة مش جبنة حقيقية سايحة، الرابس كان عيشها سميك وملفوف كويس علشان يضمنوا أن مافيش حاجة تقع أو تخرج من هنا ولا هنا.
الرابس والجريلدوج كانوا مقرمشين، وبصرف النظر عن حجمهم كان طعمهم تحفة وشبعونا –وده بـ يفكرنا أننا ما نتخدعش بالحجم، يعني “يوضع سره فى أضعف خلقه”، رابس الفراخ المقلية كان فيها خس طازج واتبسطنا جدًا من اختيارنا لصوص السويت أند ساور، الجريلدوج كانت بالضبط زي ما الهوت دوج المفروض بـ يتعمل صح، فرانكفورت حجمه كبير لونه بمبى محطوط فى رابس دافئة مع المسطردة والكاتشب والبصل المقلى والجبنة.
بعد ما قعدنا شوية علشان نعطى فرصة لمعدتنا تهضم فتحنا رابس النوتيلا، العجين كان سميك وعليه الشوكولاتة وقطع البندق وكانت طِعمة جدًا، للأسف بس التعليق الوحيد أنها كانت ملسوعة بدل ما كان المفروض يبقى لونها ذهبي. لكن طعمها كان كويس.
 لو أنت في يوم كنت عاوز تأكل أكل فى السريع ومختلف إحنا بـ نرشح لك بشدة “ميرفى” لأنك كمان هـ تقدر تجيب رابس ملفوفة بعناية ممكن تأخذها وتمشي تستمتع بها فى طريقك لو مافيش مكان أو وقت تقعد.

نصيحة 360

تكلفة خدمة التوصيل 5 جنيه فقط.

أحسن حاجة

جودة كويسة بأسعار معقولة.

أسوأ حاجة

رابس النوتيلا الملسوعة.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح