The Definitive Guide to Living in the Capital , Cairo , Egypt

سويس كوتاج – Swiss Cottage

سويس كوتاج: أطباق سويسرية أصلية في المعادي

  • 21 شارع 254
  • عالمي
  • 0225197655
  • 2 مساءً - 1 صباحًا (مغلق يوم الاثنين)
تم التقييم بواسطة
Ahmed El Dahan
قيم
قيم الآن
سويس كوتاج: أطباق سويسرية أصلية في المعادي

المطاعم الجديدة في القاهرة بـ تحاول تلفت الانتباه بتقديم أكلات جديدة من مطابخ بلاد بعيدة، من ضمنها المطبخ السويسري اللي ما بـ يخدش التقدير والشهرة اللي يستحقها. “سويس كوتاج – Swiss Cottage” قام بالواجب، وقدم له التقدير الوافي عن طريق تقديمه للمصريين بأحسن صورة.

ديكورات المطعم بـ تأخذك لسويسرا، المطعم دافيء وحميم بالرغم من اتساعه المعقول جدًا. وطاقم الضيافة له طابع أوربي مميز: اليونيفورم الأسود الكلاسيكي، وحالًا كان المنيو بين أيدينا ومش بس كده، الطاقم قدم لنا مقترحاته عن أحسن حاجة ممكن نأكلها. المنيو سهل وبسيط، كل حاجة واضحة بلا أي تعقيد.

فوندو الجبنة هو أحد الأكلات المميزة للمطبخ السويسري: هـ تلاقي منه أنواع كثيرة منها السادة (125 جنيه)، وبالطماطم (130 جنيه)، أو بالجبنة القريش (140 جنيه) أو المشروم السويسري (150 جنيه). كمان فيه سلاطات: الخضراء (15 جنيه) اليوناني (20 جنيه) أو البطاطس بالجبنة القريش (20 جنيه).

طبعًا لو قلنا مطبخ سويسري يبقى أكيد بـ يقدموا الراكليت: بطاطس عليها جبنة سايحة مع طماطم، بصل ومخلل. ممكن تضيف عليهم أعشاب سويسرية. الطبق له حجمين: للأكيلة بـ (130 جنيه) واللي عاملين ريجيم ممكن يأخذوا الأصغر (70 جنيه).

جربنا فوندو الجبنة بالمشروم السويسري (150 جنيه): التقديم كان رائع، علشان يضمنوا لك أن الجبنة تبقى سايحة بـ يحطوا تحت وعاء التقديم شمع صغير للتسخين، العيش الأبيض عبارة عن مكعبات صغيرة مقدمة في سبَت. ومع كل ده بـ يقدموا شوك طويلة علشان ذراعك ما يوجعكش… مافيش أجمل من كده، برضه طلبنا من منيو المقبلات ميكس الجبنة القريش واللحوم المدخنة (45 جنيه)، وهو مكون من شرائح اللحم، التركي والسلامي المدخن. الطبق كان لذيذ وشهي.

اللي فات ده كان كوم، والطبق الأساسي كوم ثاني. طلبنا مشويات مِشكلة (95 جنيه)، زوّدونا بشواية كهربائية على الترابيزة مع مجموعة من اللحوم، الفراخ والسجق (مش الشرقي أكيد) كلهم متبلين وفي الصوص بتاعهم وكمان معاهم بطاطس عضوية: كله جاهز للشوي. وهنا طبعًا استعرضنا مهاراتنا المطبخية كشيفات لا يُعلى عليهم، واللي انتهيت بحرق قطعة فراخ نتيجة للشواء الزائد… كانت معجزة أننا عرفنا نطلعها من الشواية. الطبق بـ يقدموا معاه مجموعة من الصوصات: الكاري، والطماطم، وثاوزاند أيلاند، والثوم. أجمل شيء في الطبق ده أن سوى اللحوم على مزاجك، ودي رفاهية في المطاعم المصرية.

المكان ظريف جدًا: ينفع لعشاء رومانسي أو خروجة ظريفة بس مُكلفة حبتين.   

نصيحة 360

ملحوظة: المطعم بـ يقدم مشروبات كحولية.

أحسن حاجة

 الفوندو والمشويات المِشكلة كانت رائعة.

أسوأ حاجة

 مافيش حاجة حلوة بـ تيجي ببلاش كده: الأسعار غالية.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح