The Definitive Guide to Living in the Capital , Cairo , Egypt

سيمبلي بوتيتوز – Simply Potatoes

سيمبلى بوتيتوز: جنة الكربوهيدرات فى الزمالك

تم التقييم بواسطة
Ahmed El Dahan
قيم
قيم الآن
سيمبلى بوتيتوز: جنة الكربوهيدرات فى الزمالك

“سيمبلى بوتيتوز – Simply Potatoes” إضافة جديدة للمشهد الحالي من مطاعم القاهرة بوفرة من الاختيارات طالما طبعًا لها علاقة بالبطاطس. فى ركن من أركان شارع البرازيل فى الزمالك، المحل مساحته صغيرة لكن فى الوقت نفسه يزينه أثاث شيك أبيض من كراسي صغيرة جنب بعض أمام طاولة، مع سلالم شكلها ظريف ألوانها مشرقة. المنيو الموجودة وراء كاونتر الطلبات عبارة عن مثال حى للتصميم المتقن من حيث الوضوح والاستخدام المناسب للألوان وده فى الحقيقة قليل فى القاهرة.

نصحنا موظف من الموظفين وقت زيارتنا نطلب إيه من بين الاختيارات المدهشة. وجهونا نطلب من منيو البطاطس المشوية مع تشيلى كون كارن chilli con carne بسعر 28 جنيه، تشيز برجر (30 جنيه)، ساور كريم أند بيكون ميكس sour cream and bacon mix بسعر 26 جنيه وحتى البافالو وينجز (28 جنيه). وبعيدًا عن أطباق المطعم الجاهزة تقدر تخترع طبقك على مزاجك.

قبل وصول البطاطس استمتعنا بطلب من بطاطس مقرمشة بيتى (15 جنيه)، وكانت مقرمشة، رفيعة، عليها تتبيلة مميزة من البهارات الآسيوية ومعاها صوص غنى من الهريسة. صحيح الطعم روعة، لكن الصوص كان محشور فى وعاء بلاستيك صغير كان صعب معاه نغمس قطع البطاطس الكبيرة.

مطبخ سيمبلى بوتيتوز سريع بشكل مبهر، وقبل ما نخلص على نصيبنا من البطاطس المقرمشة، البطاطس المشوية كانت بـ تطلع أبخرتها وسط علب الكرتون.

رغم أن صوص الباربيكيو كان مسكر شويتين وطعمه يشبه الكاتشب، البافالو وينجز والبطاطس أثبتوا أنهم مزيج ممتاز. التشيلي كورن كارن خليط رائع من اللحم المفروم، والقشطة الحامضية، أعشاب وصوص توباسكو، لكن الكريمة مع البيكون مستواهم كان متوسط نظرًا إلى أن البيكون ينقصه النكهة القوية. الصدارة فى الحقيقة كانت للتشيز برجر. البطاطس الطرية محشية خمس قطع برجر صغيرين، عليها رشة من القشطة الحامضية وإضافة لذيذة من “صوص مخصوص”. اللحم كان له نكهة مدخنة شديدة وقوامه مع البطاطس كان لطيف.

من بين تشكيلة حلوياتهم كان صعب نقاوم البطاطا  sweet potato بالنوتيلا، البندق وآيس كريم من هاجين داز (57 جنيه). البطاطا ساخنة مع طبقة سميكة من النوتيلا وبولة الآيس كريم الفانيليا اللى ذابت فورًا كانوا مختلفين بشكل لذيذ.

“سيمبلى بوتيتوز” بـ يقدم تنوع مميز من البطاطس؛ لكن اعرف أن مع الأحجام الصغيرة الموضوع هـ يبقى مكلف.

نصيحة 360

اطلب منهم أن البطاطس ما تكونش ملفوفة، علشان الورق بـ يختلط مع الأكل.

أحسن حاجة

إضافة التشيز برجر والبطاطس الحلوة بالنوتيلا والآيس كريم.

أسوأ حاجة

أغلى بطاطس نشوفها فى حياتنا.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح