The Definitive Guide to Living in the Capital , Cairo , Egypt

مطاعم
طبالي – Tabali

طبالى: أكل الشارع المصرى فى مطعم بلدى شيك فى القاهرة الجديدة

  • 106 تاون سنتر - المرحلة الأولى
  • شرقي
  • 8 صباحًا - 12 صباحًا -
تم التقييم بواسطة
Aliaa Serry
قيم
قيم الآن
طبالى: أكل الشارع المصرى فى مطعم بلدى شيك فى القاهرة الجديدة

إحنا، بصفتنا أهل القاهرة الكرام، أكيد مافيش فينا واحد ما يحبش شوية فول، فلافل ولّا رغيف حواوشى مشعلل. ممكن نفسنا من فترة للثانية تروح للسوشى والبرجر، والاشتياق للأكلات العالمية بـ يتغير، لكن لما نتكلم على الأكل المصرى الأصيل، مافيش مخلوق يقدر يقاوم. طبالى هو أحدث الإضافات للمطاعم اللى بـ تقدم أكل مصرى شعبى لكل الأكيّلة.

تعرفنا بالصدفة على المطعم الجديد فى القاهرة الجديدة، وشدّنا تصميمه المبتكر وألوانه الجذابة. مع ديكوراته بألوانها الزرقاء المشرقة والأخضر المبهج اللى بـ تزين أبوابه، طبالى فعلاً لازم يلفت انتباهك.

المطعم بـ يقدم أماكن قعدة فى الداخل والخارج. خارج المكان على الرغم أن مساحته كبيرة، لكن الشمس بـ تكون قوية جدًا، خصوصًا فى الصيف. من هنا، قررنا نحتل واحدة من ترابيزتين موجودين داخل المطعم.

مدير المطعم، وهو كمان المسئول عن الطلبات، كان لطيف وساعدنا نعرف أكلات المطعم المخصوصة. أول نظرة على المنيو أكدت لنا إحساسنا بالـ Deja Vu ساعة ما شوفنا ديكوات المطعم، خصوصًا مع عرض برطمانات المخلل والسبورة المكتوب عليها أصناف الأكل.

المنيو بـ تقدم أنواع مختلفة من أطباق الفول، والفلافل والبيض. معروض كمان تشكيلة بسيطة من السلاطات، أكثرهم إثارة كان سلاطة البنجر وسلاطة الجرجير. عندك كمان أطباق/ ساندويتشات جبنة، معاهم مجموعة من العصائر الطازجة وسلاطات الفاكهة الطازجة. للناس اللى عاوزة أطباق أثقل، موجود ثلاثة أنواع مكرونة تقليديين؛ يتكونوا بشكل عام من بشاميل وسباجيتى بالصلصة. حاجة ثانية هـ تلاقيها هى كبد لحم وفراخ، وكمان حواوشى. قسم الحلو كان تقليدى جدًا، أرز باللبن ونوتيلا، حلاوة بالقشطة وساندويتشات عسل ومربى.

قررنا نطلب ساندويتش فلافل (3.50 جنيه)، ساندويتش فلافل باذنجان (6.95 جنيه)، حواوشى (14.95 جنيه)، طبق من أربع قطع فلافل (4.95 جنيه) وسلاطة بابا غنوج (11.95 جنيه). بالنسبة للمشروبات، طلبنا ليمون بالنعناع (12 جنيه) وعصير قصب (10 جنيه).

الخدمة للأسف كانت بطيئة وغريبة، يعنى لك أن تتخيل مثلاً أن أول طبقين وصلوا قبل المشروبات أصلاً.

من حسن الحظ أن الأكل كان كويس لحد كبير. الساندويتشين كانوا مليانين على آخرهم بقطع فلافل كبيرة وسلاطة. قطع الفلافل كانت خفيفة، مقرمشة وزيتها قليل. نفس الكلام مع الحواوشى، مقرمش برضه، مافيش زيت كثير وكمية اللحم المفروم المتبَّل كويس كانت كبيرة. علامة الاستفهام الوحيدة كانت على البابا غنوج؛ إزاى يكون سائل، مليان بكمية زيادة من زيت الزيتون وكمان مافيش نكهة الباذنجان المميزة! المشروبات على الناحية الثانية كانت روعة. الليمون بالنعناع كان منعش وله نكهة الليمون المميزة، والقصب كان منشط والمفاجأة أنه ما كانش مسكّر زيادة.

ملخص الموضوع، نبقى بـ نبالغ لو قولنا أن “طبالى” بـ يقدم تحربة أكل مميزة. بعيدًا عن الخدمة السيئة، فى الآخر إحنا استمتعنا بالمشروبات المنعشة، وصحيح الأكل كان كويس، لكن مش خرافى. المطعم كمان أسعاره معقولة، ورغم أن النوع ده من الأكلات عادة بـ يكون أرخص شوية، لكنه يستحق علشان الجودة المميزة.

نصيحة 360

تقدر تطلب من الجرسونات أن الأطباق تكون أخف شوية، وهم بدورهم هـ يعرضوا يقللوا الزيت والدهون فى الطبق.

أحسن حاجة

العصائر الطازجة كانت لذيذة والأكل كان صحى.

أسوأ حاجة

هل القاهرة فعلاً محتاجة مطعم جديد من نوعية الأكل البلدى الشيك؟

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح