The Definitive Guide to Living in the Capital , Cairo , Egypt

مطاعم
عثمانلي – Osmanly

عثمانلي: عشاء تركي جيد فى جاردن سيتي

  • شارع أحمد راغب، فندق النيل كمبنسكي
  • تركي
  • 18:00 - 23:59
تم التقييم بواسطة
Tanya El Kashef
قيم
قيم الآن
عثمانلي: عشاء تركي جيد فى جاردن سيتي
قيمناه فى مقال نقدي عام 2010 بخمس نجوم من خمسة، وبالتالى قررنا فى فريق كايرو 360 أننا نروح ثاني «عثمانلى – Osmanly» فى فندق كمبنسكي النيل علشان نشوف هل قدر المكان يحتفظ بمستواه خلال العامين الماضيين ولا لأ.
موجود فى جاردن سيتي، «عثمانلى» بـ يقدم مأكولات من المطبخ التركي فى جو هادئ ورائع، بأثاثه الراقى، من الآخر بـ يقدم خدمة رائعة فى جو متميز على مستوى خدمة 5 نجوم.

فيه مضيفة/ جرسونة استقبلتنا بتحية، بدأنا بمقبلات سلاطة المأكولات البحرية (55 جنيه) اللى جاءت لنا مع عيش دافئ وسلاطة زيتون مهروس وجبنة بيضاء ناشفة وحاجة زي جلاش الجبنة كمان.

السلاطة كانت محببة لقلبنا ومنعشة، مليانة بقطع الجمبري والكاليماري والأخطبوط، العيش كان طازج وكان مزجه بالصوصات رائع، وجلاش الجبنة كان طعمه حلو لكن الجبنة كان ممكن تكون أدفأ من كده.
موساكا الخضروات (90 جنيه) كانت حتة من الجنة، بالنسبة لطبق مكون من مكعبات الخضار مطبوخة سويًا ومغطاة بالجبنة، بـ يُقدم معاه أرز أبيض ولبنة، الخضروات كانت طرية ومضبوطة يعني مش مهرية قوي، كان رائع لدرجة أنه كان ممكن يقدم لوحده مع الأرز.
طبقنا الرئيسي الثاني كان كيبريت الكباب kibrit kebab (150 جنيه) كان كويس بس مش قوي زي الطبق اللى فات، عبارة عن قطع بيف تاندورلين مقطعة شرائح ومعاها ستربس بطاطس وعيش وزبادي بالثوم، كان ناشف شوية، فى حين أن البيف كان طعمه رائع لكن كان عاوز يكون أطرى شوية، والبطاطس كانت عاوزة وقت أكثر شوية فى الطهي، والزبادي أعطى للطبق ثقل، لكن عامة الطعم كان ممتع.
طلبنا الكنافة (40 جنيه) بناء على توصية منهم، والحمد لله ما أحبطناش، قدموها فى طبق ممتع، الكنافة المدورة جاءت معاها كريمة وكان طعمها برضه كأنه حتة من الجنة، وكمان كانت مليانة جبنة مش مملحة من الداخل إلى جانب دفئها وطريانها وسكرها.. كانت امتياز.
جربنا كمان البامبكين بآيس كريم الطحينة (40 جنيه)، كانت لطيفة شوية بس كان طعم الآيس كريم مملح.
فى النهاية نعناع فريش (20 جنيه) وايسبريسو (25 جنيه) توجوا قعدتنا هناك، الايسبريسو كان من أفضل ما ذقنا فى القاهرة. كمان الخدمة هناك كانت فورية وودودة جدًا.

نصيحة 360

لو نفسك في حاجة حلوة ممكن تروح برضه "لاونج الشوكولاتة" وتذوق قطعة ولا اثنين من الشوكولاتة بالنعناع.

أحسن حاجة

الموساكا والكنافة.

أسوأ حاجة

للناس المتحفظة: المكان فيه مشروبات كحولية.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح