The Definitive Guide to Living in the Capital , Cairo , Egypt

فلور تن – Floor 10

فلور تن: فندق نايل كمبنسكي كلاكيت ثاني مرة بنجاح

  • فندق كمبنسكي النيل
  • فرنسي
  • 0227980000
تم التقييم بواسطة
Soraya Morayef
قيم
قيم الآن
فلور تن: فندق نايل كمبنسكي كلاكيت ثاني مرة بنجاح

فيه مننا جرب
مطاعم كثيرة في القاهرة وكان لنا وجهات نظر وآراء مختلفة عليها، بس من فترة للثانية
بـ ييجي لنا أماكن ومطاعم حلوة جدًا علشان نجربها، المطعم اللي جربناه المرة دي كان
“فلور تن” أو “فلور 10” في فندق كمبنسكي.

وصلنا للفندق وإحنا مستعدين للتجربة، وافتكرنا
تجربتنا في المطعم التركي “عثمانلي” اللي في كمبنسكي وأخذ تقييم عالي جدًا
في كايرو 360، كمبنسكي ممكن يكون أعلى تقييم في موقع كايرو 360 لكن هل من الممكن
أنهم برضه يكونوا أعلى تقييم للمرة الثانية فى مطعم فلور تن؟

جربنا foie gras amuse bouche أو كبدة الوز وباقي الفترة
اللي قضيناها هناك جربنا طعم وأكلات خلتنا مبسوطين جدًا.

غير أن المطعم شيك ولونه بـ يتميز بالبني
والكريمي ومنظر النيل الرائع والخدمة حلوة، استمتعنا بطبق foie gras amuse bouche بـ 120 جنيه، قطعيتين من
كبدة الوز أوfoie gras  مقدمين بطريقة
حلوة جدًا بصوصxeres  وطعم البرتقال. أول ما جربنا حسينا
بصدمة حلوة قوي من جمال الطعم لدرجة أننا أكلنا باقي الصوص بالعيش الصابح اللي كان
مقدم.

أول طبق رئيسي كان سكالوب بالجزر والكمون
والزبيب مغموس بنكهة الياسمين بـ 110 جنيه، رغم أن السكالوب كان مستوي ولونه بمبي بس
طعم الكمون غطى على طعم السكالوب نفسه، أصدقائنا طلبوا أرانب ترين بـ 90 جنيه وكان
قصة ثانية خالص. قدمت بطريقة مذهلة على طبق صغير وحول الأرانب خضار وفستق و صوص المسطردة،
إضافة الفستق كانت حلوة قوي أضافت طعم وملمس رائع للأكل، الطبق كان حلو جدًا والناس
اللي معانا فضلوا مبسوطين لغاية ثاني يوم.

أما بالنسبة للطبق الثاني، العاملة هناك
اسمها “فلورانس” اقترحت أننا نجرب شوربة العدس بكبدة الوز بـ 80 جنيه، ورغم
أننا قررنا أننا نقاسم طبق الشوربة بس من جمال طعمها وطعم الثوم مع الزبدة والعدس الأسود
قررنا أننا نجيب واحدة ثانية، رغم أنها يمكن كانت ثقيلة شوية من الزبدة بس حبينا جدًا
طعم العدس الأسود وهو ممزوج مع الكريمة والثوم.

طبقنا الثالث كان جون دوري بـ 140 جنيه،
كان طبق جميل مكون من السكالوب، كانيلوني، الأستاكوزا والشمر وصوص الفيرجي، رغم أن
الصوص كان غني وكريمي بس طعم الطبق كله كان أقل لو قارناه مع الطبق الثاني اللي طلبناه
وهو فيل ليون بـ 170 ، قطع مقطعة من اللحم المشوي على روزيتو بالنكهة الإيرانية، تمر
مهروس، مربى طماطم وصوص الـ xerex
. طعم اللحمة كان رائع مع الريزوتو
اللي كان طعمه مكون من عصير ليمون، نكهة الياسمين وتتبيلة الينسون.

ختمنا أكلنا بحلوى المارينج
(45 جنيه) اللى جاءت لنا عبارة عن رول فيه 3 سكوب من الفراولة والخوخ والشربات
الحار، ويتخلله قطع من التوت والعنبية، والتحلية دي خلت عندنا حنين لأذواق أطباقنا
المفضلة.

فلور تن أو مطعم الطابق
العاشر فاخر ومعاصر والأفضل فى كايرو، وعلى الرغم أنه ما حصلش على جائزة أو نجمة
لكن بالتأكيد إحنا منحناه اللقب ده.  

نصيحة 360

لو وصلت بدري ولسه مش جعان ممكن تطلب مشروبات من قائمة المشروبات اللي في فلور 10 واستمتع بمنظر النيل من التراس.

أحسن حاجة

أكل رائع والمكان أنيق ونكهات مميزة.

أسوأ حاجة

ممنوع التدخين داخل المطعم، ده ممكن يبسط ناس بس فيه هناك بلكونة فيها هواء منعش ومنظر نيل رائع، فما كانش مشكلة قوي.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح