The Definitive Guide to Living in the Capital , Cairo , Egypt

مطاعم
كافيه ومطعم إيفينتو – Evento Cafe & Restaurant

كافيه وريستوران إيفينتو: مطعم يستحق التجربة فى هليوبوليس

تم التقييم بواسطة
Nermin Habib
قيم
قيم الآن
كافيه وريستوران إيفينتو: مطعم يستحق التجربة فى هليوبوليس

بعيدًا عن مركز منطقة التسوق المزدحم الخاص بالمول الراقى صن سيتى، “كافيه وريستوران إيفينتو – Evento Cafe & Restaurant” مكانه واضح بتمثال معدني ضخم على شكل Predator، بعيونه الحمراء اللامعة. ديكورات المطعم مودرن بأرضيات أسود وأبيض، أثاث بنفسجى وفسيفساء على الحوائط بـ تجسد شخصيات شهيرة زى أوستين باورز. الكافيه يمتد لشرفة جميلة تمتد لآخر المول وفيها بـ يقدموا شيشة ويستضيفوا سهرات الكاريوكي الخاصة بهم.

العثور على ترابيزة فاضية فى البلكونة كانت مهمة سهلة، وفورًا كان معانا واحد من الجرسونات المنتشرين وسط الكافيه. المنيو أغلبها أطباق رئيسية، لكن فيها قسم صغير فى الآخر مخصص للمشروبات وقسم هزيل للحلو. كل الترابيزات مجهزة بأقراص إلكترونية جذابة تسمح لك تنادى على جرسون، تطلب الحساب أو تلغي طلب الجرسون.

بعد رحلة معاناة فى جذب انتباه أى واحد من الخمسة جرسونات، أخيرًا قدرنا نطلب. فى البداية، اختارنا تشيكن ألفريدو مع الفيتوتشيني (39.95 جنيه) وسينامون فرابيه (31.95 جنيه).

الفرابيه وصل على طول وكان مزيج ثلجي منعش من القهوة وسكر القرفة، مخلوط بامتياز بحيث يمنع تكون طبقة متكتلة.

بعد شوية وصل التشيكن ألفريدو بطبق حجمه مناسب جدًا. شرائح من الفراخ المشوية مفروشة فوق الفيتوتشيني وصوص الألفريدو، وعليهم كمية كبيرة من جبن البارميزان المبشورة. الباستا كانت ممتازة على طريقة al dente وقدرت تتحكم فى قوام الكريمة الخاص بالصوص الأبيض. رغم إحباطنا من عدم وجود أى مشروم أو أى نوع من تزيين الطبق، الباستا كانت بجد اختيار لذيذ وشهي.

بالنسبة للحلو، طلبنا كريب التفاح والقرفة (28.95 جنيه) وكابوتشينو (16.95 جنيه). الكريب وصل على شكل قطعتين ملفوفين من البان كيك وسط صوص الكراميل بقوامه السميك ومحشيين قطع ممتازة من التفاح منقوع فى صوص القرفة. المبهر أن الكريب نفسه كعجينة ما كانش مندّى ويحتوى على فانيليا كافية لمعادلة البيض المستخدم فى العجينة. الكابتشينو صحيح مافيش أى حاجة استثنائية فيه، لكنه كان خليط رغوى قوامه معتدل.

إيفينتو بـ يوظف الديكورات اللطيفة مع الأطباق المحضرة بعناية بحيث يخلق تجربة أكل راقية وسهرة مسلية لك ولأصحابك.

نصيحة 360

كل يوم خميس، إيفينتو فيه حد أدنى للطلبات 75 جنيه.

أحسن حاجة

الشرفة المكشوفة والتشيكن ألفريدو باستا.

أسوأ حاجة

حتى مع جهاز النداء الإلكتروني، كان صعب نوصل لحد من الجرسونات.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح