The Definitive Guide to Living in the Capital , Cairo , Egypt

كايرو كيتشن

كايرو كيتشن: مطعم بلدي أنيق فتح في الزمالك

  • 118 شارع 26 يوليو، مدخل شارع عزيز عثمان
  • مصري
  • 0227354000
written by
Anne de Groot
قيم
قيم الآن
كايرو كيتشن: مطعم بلدي أنيق فتح في الزمالك

من الواضح أن
مطاعم الأكل البلدي الراقية بـ تغزو القاهرة. إحنا عرفنا من أسبوعين لما «زوبا – Zooba» فتح في
الزمالك ودلوقتي بعده بشارعين في شارع 26 يولو هـ تلاقي «كايرو كيتشن – Cairo Kitchen» قريب من «لا
ميزالونا – La Mezzaluna».

اللي بـ يحبوا ومهتمين بالديكور هـ يحبوا
كايرو كيتشن، السقف عالي والمكان نفسه حلو ومصممينه قدروا أنهم يعملوا مزيج ما بين
الأسلوب القديم مع الأسلوب التقليدي. مكتوب جمل بالعربي على الحائط والسقف إللي
معمول من النحاس وشكل الرخام بـ يخليك تحس أنك رجعت إلى حقبة من الزمن كانت
القاهرة فيها رائعة.

المطعم مكون
من أكثر من دور وفيه أنواع قعدات مختلفة. قعدنا في المنطقة العالية وكان أمامنا الجزء
الخاص بالمشروبات. جزء الأكل نفسه عبارة عن جوهرة، بداية من قسم الكشري اللي بـ تعمل
جزء منه بنفسك وفيه كل مكونات الكشري لغاية قسم السلاطة، وجنب السلاطة قسم
الحلويات اللي ممكن تختار منه اللي أنت عاوزه.

بدأنا الرحلة
بكوباية كركاديه فريش بـ 7.50 جنيه قبل ما نبدأ نأكل. طلبنا طبق سلاطة كبير بـ 25
جنيه وجاء لنا الطبق مليان جميع أنواع السلاطات المصرية. حبينا جدًا الفول الحراق
بس كان فيه بصل كثير لكن حلو. الكشك اللي جربناه كان رائع برضه، عين الجمل خلى له
طعم رائع. الكوسة المحشية جبنة جودة ما كانتش حلوة قوي، كان طعم الجبنة واضح وقوي
فيها وكان مغطي على طعم الكوسة. كان فيه كمان باذنجان وسلاطة الزبادي.

أما الأطباق الرئيسية بـ تُقدم في
طاجن، كان فيه كشري إسكندراني بـ 39 جنيه وفريك مع كبدة الفراخ بـ 29 جنيه. الكشري
الإسكنداراني كان معاه جمبري، رغم أن الجمبري كام له طعم حلو وكانوا مستخدمين
طماطم فريش بس الطبق ما عجبناش قوي. تقريبًا فقد طعمه كطبق كشري وبقى طبق أرز
بالجمبري عادي وده كان علشان فيه مكونات كشري أساسية ما كانتش موجودة في الطبق زي
البصل.

الفريك مع
كبدة الفراخ كان طعمها حلو بس مش رائع، الفريك كان فيه طعم الكزبرة وده خلى طعمه
قوي شوية بس الكبدة كانت ناشفة، نهينا رحلتنا بطبق أرز باللبن بـ 9.50 جنيه وكان
عليه مكسرات كثيرة، رغم أن الطعم كان رائع بس ما كانش ماسك نفسه وده ما عجبناش.
العاملين في كايرو كيتشن لطاف وبـ يساعدوك في اختيارك للأكل. الناس اللي بـ تحب الأكل
الصحي ممكن تجرب الكشري الصحي اللي معمول من أرز بني ومكرونة بني.

التصميم الداخلي للمكان والناس
العاملين هناك كويسين جدًا في “كايرو كيتشن” بس الأكل لسه مش كويس قوي،
ولأنه لسه مفتوح فإحنا متفائلين للمطعم وعندنا أمل.

نصيحة 360

«كايرو كيتشن» وقهوة «ولعة» شغالين مع بعض، يعني ممكن تطلب أي طبق أنت عاوزة من كايرو كيتشن وأنت بـ تشرب شيشة في ولعة. هـ ييجي لغاية عندك.

أحسن حاجة

المطعم خالي من الدخان.

أسوأ حاجة

عندهم مايكروويف مش عارفين ليه.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح