The Definitive Guide to Living in the Capital , Cairo , Egypt

كريزي ويتش

كريزي ويتش: محل أكلات سريعة جديد في ثكنات المعادي

  • 34 شارع 9
  • مأكولات سريعة
  • 023595948,01015100771
تم التقييم بواسطة
Will Roth
قيم
قيم الآن
كريزي ويتش: محل أكلات سريعة جديد في ثكنات المعادي

بين
مطعم للفول والفلافل ومحل جزارة في شارع 9 الشهير في المعادي كان الافتتاح الكبير
لمطعم «كريزي ويتش – Crazy Witch» وكان فيه سماعات ضخمة وبالونات عملاقة وده طبعًا للفت الأنظار
كفاية في الشارع الحافل بالمحلات. والدوشة كان لابد منها لمحل التميمة بتاعته
عبارة عن ساندويتش بـ يلعب إلكتريك جيتار!

المنيو
في «كريزي ويتش» فيه أقسام رئيسية هي المكرونات والبيتزا، لحوم ودجاج، وكل نوع أكل
ممكن تطلبه في كومبو مع البطاطس والبيبسي وبـ تضيف 8 جنيه على ثمن الوجبة. وكل الساندويتشات
موجودة بحجمين، وسط وكبير والأسعار معقولة في كل الأحوال.

المطعم
بـ يقدم ساندويتشات بسيطة زي الكبدة الإسكندراني (5 جنيه للوسط و9 جنيه للكبير)،
والشاورما بـ 9 و13 جنيه وشاورما الدجاج 8 و12 جنيه. فيه برجر سادة بـ 8 جنيه
وبالجبنة بـ 10 جنيه وبالبيض بـ 10 جنيه وبالاثنين مع بعض بـ 12 جنيه، ولو عاوز
دابل تشيز برجر هـ يبقى بـ 16 جنيه. العيش بتاع البرجر حلو ومليان سمسم، لكن
الساندويتش كله طعمه بـ يفكرنا بالـ (لا طعم) اللي بـ نحس به أحيانًا في
ساندويتشات «ماكدونالدز».

ساندويتش
الدجاج الكرسبي بـ 7 جنيه للحجم الوسط كان ظريف، لكن كان يبقى أحلى لو زودوا
البهارات شوية. لو عاوز حاجة ثقيلة جرب الفاهيتا (10 جنيه) بالفلفل الأخضر الطازج
أو دجاج شنغهاي (15 جنيه).

ساندويتشات
«كريزي ويتش» بـ تعاني من نفس المشكلة الموجودة في معظم محلات الأكلات السريعة في
القاهرة: عيش كثير وخضروات قليلة ولا إضافات ماعدا المايونيز. أكيد ممكن تطلب
كاتشب أو مسطردة زيادة، لكن المشكلة كمان أن ساندويتشات الدجاج  العيش بتاعها بـ يبقى جاف وبـ يبقى محتاج
إضافات تطريه.

لو
عاوز أكلة تكفي أكثر من فرد أو جبة دسمة ممكن تطلب بيتزا أو باستا، المرجريتا بـ
16 جنيه، وزود 4 جنيه وهاتها بـ 4 أنواع جبنة أو هوت دوج أو مشروم أو سجق. البيتزا
بـ دجاج أو التونة أو الببيروني بـ 25 جنيه. الباستا أرخص كثير، المكرونة
بالبشاميل بـ 6 جنيه وباقي الأنواع باللحوم أو بالدجاج بـ 12 جنيه فقط.

أسرع
أكلة تأخذها تيك آواي هي الحواوشي بأنواعه المختلفة من 4 لـ 15 جنيه، أو أصناف
جانبية زي البطاطس المحمرة (4 جنيه) والسلاطات (2 لـ 3.5 جنيه) وفيه كمان كريم
كراميل بـ 6.50 جنيه.

منطقة
شارع 9 القريبة من محطة مترو أنفاق ثكنات المعادي كانت محتاجة محل زي ده بأسعار
أقل من الكافيهات والمطاعم الغالية الموجودة هناك، خصوصًا بعد ما «Pizza Fun Time» قفل فجأة الشهر اللي فات. بديل
جيد هو «كريزي ويتش» بس بـ نقول للناس ما تتوقعوش حاجة أكثر من الأساسيات في
الأكلات السريعة.

نصيحة 360

اطلب فاهيتا أو شاورما الدجاج وحط كاتشب ومسطردة كثير!

أحسن حاجة

خدمة جيدة وسريعة نوعًا ما، وأسعاره حلوة.

أسوأ حاجة

العيش كثير والطعم قليل في معظم الساندويتشات.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح