The Definitive Guide to Living in the Capital , Cairo , Egypt

فيه حاجة بـ تشدنا ناحية المطاعم العائلية فى القاهرة. يمكن يكون الأكل اللذيذ أو الحنين لمئات من أيام الجامعة اللى أكلنا فيهم سوا. "كورتيجيانو – Cortigiano" واحد من الأماكن دى. فات وقت طويل على آخر زيارة لفرعهم الأصلى فى الدقى، ومن هنا قررنا نطلع على فرعهم فى المعادى.

بمكانه على شارع 7 الهادئ، كورتيجيانو بـ يحتل مكان لطيف تقدر تميزه من الطوب الأحمر وأوعية الزرع فى الخارج. ندخل ونتفرج على الديكورات المتباينة من البنى والبيج، وسط قعدات شكلها مريح جدًا.

وصلّنا جرسون لطيف لترابيزتنا، سلمنا المنيوهات ورجع ومعاه زجاجة مياه.

طلبنا طلب غالى شوية بشكل مفاجئ وهو كوكتيل الجمبرى (76.95 جنيه) من بين المقبلات وسيزار سلاد عليها فراخ مشوية (36.95 جنيه). بالنسبة للأطباق، شد انتباهنا بيف تاندرولين بالفلفل الأسود (93.50 جنيه)، ومعاه بولو آلا جريجليا (61.95 جنيه).

للأسف، وقت التحضير كان أطول مما نتمنى. الفكرة أن الخدمة مش سيئة، لكنها بطيئة. أول ما وصل كوكتيل الجمبرى، حسينا بالإحباط؛ جمبرى مطاطى عديم الطعم، والصوص كان طعمه سيء.

بعدها وصلت السلاطة بمكوناتها المعتادة من خس كابوتشا، وشرائح فراخ مشوية، وصوص سيزر. الدريسينج كان قليل، خفيف وطعمه عادى جدًا، وكمان العيش المقرمش كان قليل.

البيف تندرلوين كان مفاجأة لذيذة، لكن مش عارفين هل ده بسبب مستوى المقبلات الضعيف. الطبق قُدم مع طلبين جانبيين معتادين من الخضروات السوتيه والأرز الأبيض، ورغم أن جودة اللحم كانت متوسطة، لكن الطهى كان متوسط زى ما طلبنا، والصوص كان مميز.

البولو آلا جريجليا كان عبارة عن صدور فراخ مشوية عليها ليمون، توابل، زيت، ثوم وزعتر، ومعاه طلبين جانبيين. من ثانى، الفراخ مش على المستوى، والتتبيلة على الرغم من أنها غنية بالمكونات الرائعة، لكن طعمها كان عادي، الطبق كان مطبوخ كويس وبـ يشبع جدًا.

كل الأطباق الموجودة فى المنيو كميتها كبيرة، لكن الأسعار مش مناسبة زى زمان. فى الحقيقة، الأسعار تضاعفت من آخر نقد عملناه عنهم فى 2010. صحيح الأكل كان متوسط، لكن الجو الرائع والإحساس بالراحة فى كورتيجيانو بـ يقدر يحافظ على زبائنهم.