The Definitive Guide to Living in the Capital , Cairo , Egypt

مطاعم
Country Hills – كونتري هيلز

كونتري هيلز: American Diner هيجري ريقك في مول “مجرة” الشيخ زايد

country hills اكل الشيخ زايد برجر بصل جبنة خروجة صوص طعم كونتري هيلز مجرة مطعم مول
تم التقييم بواسطة
Angie El Batrawy
قيم
قيم الآن
كونتري هيلز: American Diner هيجري ريقك في مول “مجرة” الشيخ زايد

إحنا في كايرو 360 بنحب الاكتشافات الجديدة، وبنحب نجرب من أول الأكلات التقليدية، لحد الأكلات الغريبة والمبتكرة. وكذلك الكافيهات. ومنطقة الشيخ زايد كل يوم بتبهرنا، بأماكن جديدة بتفتح فيها افتكاسة جديدة. وكان آخرها كان مول “مجرة”، اللي موجود جنب كابيتال بيزنس بارك.

المكان مبهج بطريقة مش طبيعية، خاصة أنهم عاملين ديكورات للكريسماس والسنة الجديدة، كلها أنوار وألوان تفرح خاصة بالليل. المكان اتسمى بالاسم ده، لأن كل جزء فيه متسمي على اسم كوكب من كواكب المجرة. فتح فيه كمية مطاعم كبيرة جدًا، وعاملين فكرة وهمية بدل ما يعملوا Food trucks زي المعتاد، عملوها في شكل قطار كبير. كل عربية من القطار ده فيها مطعم مختلف. ده غير أن فيه سينما هتفتح كمان.

كونتري هيلز American Diner معروف لناس كتيرة، لأن له فرع في هليوبوليس، وكمان فرعين في إسكندرية (شارع فؤاد والمحروسة). المطبخ الأمريكي يعني برجر وChicken Wings وستيك.. إلخ. المنيو بتاعته ضخمة جدًا، من سلاطات ومقبلات وساندويتشات. وفيه كمان بيتزا وماك أند تشيز بمكونات مختلفة واختيارات متنوعة.

من منيو البرجر تقدر تختار الساندويتش بتاعك قطعة أو 2، على حسب أنت جعان قد إيه. اختارنا كاوبوي برجر (قطعة واحدة 79 جنيه). مكون من سموكد بيف بيكون ومشروم وبصل مقلي وصوص باربكيو، وعليه دريسنج جبنة مدخنة. كمان طلبنا بيتزا برجر (قطعة واحدة 73 جنيه). ودي موضة جديدة ظهرت في العالم مش بس في مصر، أن العيش اللي فوق البرجر يتحط عليه صوص بيتزا وجبنة وببيروني. بحيث لما تقطم كأنك بتاكل بيتزا وبرجر في نفس الوقت. من منيو السلاطات أخدنا ويسترن سالاد بـ (55 جنيه). مكونة من تشيكن ستريبس مقلية، مع صوص الرانش وتورتيلا شيبس وسويت كورن، وفاصوليا حمراء وطماطم وخس وجزر وبصل وهالوبينو. ومياه غازية (17 جنيه).

الأكل ماتأخرش، وعلى الترابيزة جوانتيات، لزوم حماية نفسك من زروطة البرجر. الجرسون اللي كان معانا لطيف ومتعاون، وكان بيجيب اللي بنطلبه بسرعة. البيتزا برجر كانت حلوة جدًا. البرجر كان فيه شرايح خيار مخلل، وصلصة البيتزا مع الجبنة كان طعمهم حلو. بس حسينا أننا بناكل عيش أكتر. مش عارفين هل كان اختيار أفضل أننا ناخد قطعتين برجر ولا لأ، علشان نحقق التوازن ده. الكاوبوي برجر برضه كان حلو جدًا، وطعم المكونات كان متوازن وغني. السلاطة كانت عالمية الصراحة. طعم القرمشة بتاعت التورتيلا، مع الطبقة الكريسبي بتاعة الفراخ تتبيلتها مع الخضروات والدريسنج، كانوا متجانسين جدًا وكونت مزيج رائع.

للأسف ما كانش فيه حلويات في المنيو، وده شيء أحبطنا. لكن لما دخلنا على صفحتهم على فيسبوك اكتشفنا أن عندهم Dessert. بس الأيام جاية كتيرة، وممكن نروح مرة تانية ونجربها مع الفطار بتاعهم ونقول لكم رأينا.     

نصيحة 360

صفحتهم على فيسبوك عليها معلومات أكتر

أحسن حاجة

طعم البرجر والسلاطة.

أسوأ حاجة

كمية العيش الغالبة على البيتزا برجر.

Avatar
Kamal Elhendawy

أفضل مطبخ أمريكي على الإطلاق ????????

أكتب تقييم

One thought on “كونتري هيلز: American Diner هيجري ريقك في مول “مجرة” الشيخ زايد

أضف تعليقاً

يجب أنت تكون مسجل الدخول لتضيف تعليقاً.

مقترح