The Definitive Guide to Living in the Capital , Cairo , Egypt

لو ديك – Le Deck

لو ديك: أكلات فاخرة ومناظر مدهشة فى سوفيتيل الجزيرة

  • فندق سوفيتل الجزيرة القاهرة
  • عالمي
  • 0227373737
  • 7 مساءً - منتصف الليل
تم التقييم بواسطة
Jessica Noble
قيم
قيم الآن
لو ديك: أكلات فاخرة ومناظر مدهشة فى سوفيتيل الجزيرة
“لو ديك – Le Deck” الموجود فى سوفيتيل الزمالك بجانب أنه بـ يطل على منظر تحفة للنيل، يعتبر كمان واحد من أكثر المطاعم المتطورة فى القاهرة. هـ تلاقى “لو ديك” المبهج عائم على وجه النيل وراء مبانى الفندق الجميلة بعد ما تعدى على حدائق أنيقة. بعد ما تركنا اليابسة وعدينا على الكوبرى العائم استقبلنا جرسون مهذب وأخذنا لكراسينا الكبيرة والمريحة.
طلبنا أننا ننقل من المكان بتاعنا علشان كنا محاطين بالشيشة من الجانبين، بس للأسف ما كانش فيه أماكن ثانية لأن كل الترابيزات كانت فاضية بس محجوزة وفضلنا قاعدين نشم فى دخان شيشة الفواكة اللى طالعة من الناس.
يقدم “لو ديك” لزبائنه جزء من مذاق الثقافة المصرية من خلال مطعم الكبابجى، وده عبارة عن مطعم مشويات وأكلات شرقية تم تأسيسه سنة 1985. الغريب أن مافيش منيو للمشروبات، وده خلانا نطلب من دماغنا، واحد عصير ليمون (22 جنيه) وسبرايت (18 جنيه). طلبنا كمان زجاجة مياه كبيرة لنا كلنا (25 جنيه). بعدها قررنا نشوف منيو الأكل وطلبنا تشكيلة سلاطات (25 جنيه) وطبق تقليدى من السمبوسك بالجبنة لفتح الشهية (18 جنيه). وبالنسبة للأكلة الرئيسية اختارنا فتة ضانى (95 جنيه)، وجربنا واحد من مشويات “لو ديك” المشهورة وهو الشيش طاووق (70 جنيه).

بـ يميز الكبابجى عيش الصاج الخاص به واللى بـ يعمله عنده، وسلة العيش البلدى اللى وصلت ترابيزتنا وكان مستوى بامتياز، وطرى، ودافئ ومافيش فيه أى تسوية زيادة عن اللزوم. مجموعة السلاطات كانت حلوة ولذيذة منها: الحمص، والبابا غنوج، وجبنة بالفلفل. طبقنا المفضل من اللى فات هو البابا غنوج بطعمه المسكر، علشان طبقًا لتجربتنا عادة فى الأماكن الثانية بـ يبقى ممرر شوية. كان فيه كمان نوعين من سلاطة الأعشاب، وفتوش مقرمش، وخليط خفيف من البصل والطماطم.
لازم نسحب افتراضنا الأول علشان السمبوسك ممكن تتوصف بأى حاجة غير أن طعمها يبقى عادى. القطع الصغيرة بشكلها الصدفى كانت طازجة وطرية، ومحشية بجبنة ذائبة ونعناع حلوة ومش طاغية على الطعم.
 علشان كان لازم نتحكم فى نفسنا ونقاوم المقبلات اللذيذة، قررنا نبدأ فى الأطباق الرئيسية. شواية مدهشة لونها ذهبى لامع وضعت على ترابيزتنا وهى لسه مكملة فى شوى وجبتنا من كباب الفراخ. بجانب المنظر الأنيق الممتع ده، كان لازم نأخذ حذرنا أكثر من كده وما نسيبش الأكل وقت طويل فوق الشواية لأن قطعة منهم تفحمت شوية. رغم أننا حسينا لوهلة أننا مش فاهمين اللى بـ يحصل، بس طعم الشيش طاووق كان ممتع، وغني ومتبل بامتياز. بالنسبة للحم الضانى قُدم كمية كبيرة من اللحم المحيط بجزء من العظم فوق وعاء من الأرز. اللحم كان غني وطرى وسهل جدًا فى المضغ، رغم أننا حسينا أنهم بخلوا شوية فى كمية صوص الطماطم اللذيذ اللى على الأرز الأبيض الطرى.
علشان نحلى طلبنا طبق أم على (25 جنيه)، وكان طعمه مُرضى جدًا. عرفنا أول ما وصلت أنها هـ تبقى لذيذة من سطحها الذهبى الجميل. الطبق الصينى كان مرصوص فيه عيش، ومليان لبن مسكر وقطع من الفستق، ودى كانت نهاية ممتازة لوجبة رائعة.
تحياتنا للشيف الخاص بالكبابجى، وننصح أى حد عنده مناسبة مهمة أنه يروح “لو ديك”، بس طبعًا لازم نقول أن لو فيه حد بـ يعانى من دوار البحر فـ ننصحه أنه يستمتع بنفس الأكل المميز داخل الفندق.

نصيحة 360

ممكن تحجز "لو ديك" لو عندك حفلة خاصة من حوالى 130 فرد. لمعلومات أكثر ادخل على موقعهم الرسمى.

أحسن حاجة

أماكن الجلوس الرائعة والمنظر البانورامى الجميل لنهر النيل.

أسوأ حاجة

مافيش قيود على الشيشة أو التدخين عمومًا علشان "لو ديك" مكانه فى الخارج. وعلشان كده لو مافيش نسمة هواء هـ تحس أنك قاعد وسط سحابة من الدخان.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح