The Definitive Guide to Living in the Capital , Cairo , Egypt

ليتل سويس – Little Swiss

ليتيل سويس: حلويات فوندو وراكليت سويسرية لذيذة فى المعادى

  • فيلا 17 شارع 18، سرايا المعادي
  • عالمي
  • 01096396556
  • 3 مساءً - 12 صباحًا
تم التقييم بواسطة
Tanya El Kashef
قيم
قيم الآن
ليتيل سويس: حلويات فوندو وراكليت سويسرية لذيذة فى المعادى
اسم “ليتيل سويس” الموجود فى المعادى فعلاً على مسمى؛ بجد قطعة صغيرة من سويسرا. مكانه موجود فى آخر شارع 254 دجلة بالمعادى، المطعم المنعزل ده بـ تمتلكه وتديره السويسرية تشارلوت تينتر، وبـ يقدم فوندو، وراكليت ولحوم مشوية.

الفناء الصغير بـ يوصلك مباشرة للمطعم الغريب إلى حدٍ ما. الباب الخشب مع الستائر اللى على الستايل الأوربى بـ تغطي نصف الشباك والتصميم الداخلى الدافئ مع الشموع المنيرة داخل زجاجات كلهم بـ يشدوك أنك تدخل. أكبر عدد أفراد ممكن يقعدوا هناك فى نفس الوقت هو 20، والمطبخ مغطى بنصف حائط وأدوات الأكل والأكواب مُخزنة فوق رف مكشوف؛ تحس نوعًا ما أنك دخلت فى كوخ داخل جبل.
احتلت مجموعتنا المكونة من 12 فرد جانب كامل من المحل وبدأنا بطلب من مقبلات اللحم البارد (Grison 30 جنيه) وتشيز فوندو (مع مشروب كحولي 130 جنيه). اللحم كان عادى، وبـ يقدم مع خبز ومخلل. مع أن الخبز كان لذيذ وشهى، بس خالى من النكهة. التشيز فوندو على الناحية الثانية كان تحفة، غنى وله نكهة مميزة، وفى نفس الوقت مش ثقيل قوى، الطبق خرج بـ يلمع بعد ما خلصنا أكل.
كمان بـ يقدموا نسخة حديثة من الراكليت raclette  يسعر 130 جنيه على شواية وكوبليه  ‘coupelles’ ودى عبارة عن أوعية صغيرة بـ توضع فيها المكونات علشان تسيح وبعدين تأكلها، تقدر كمان تطلب نوع معين من اللحوم علشان تشويه (حوالى 100 جنيه) بجانب الجبن، والبطاطس والبصل اللى بـ يكملوا الوجبة؛ وكمان تأكدنا أن المخلل لا غنى عنه مع الأكل.
الجبن كان طعمه رائع، وبـ يذوب كويس مع الحرارة. وكمان لما يضاف مع البطاطس بـ يعملوا مزيج لذيذ، بس بـ يملأ البطن شوية، إحنا بقى شوينا البطاطس مع اللحم وكان برضه حلو جدًا. اللحم كان مقطع على شكل شرائح رفيعة، وكان طرى، وJuicy ودهنه قليل. السلطات الجانبية رغم أنها بسيطة، بس مكوناتها كانت طازجة وعليها dressing لذيذ.
للأسف من كثر ما إحنا شبعنا ما قدرناش نطلب الحلو، بس مع اختيارات زى تشوكليت فوندو (50 جنيه) وآيس كريم مغطى بالمارينج (30 جنيه) أكيد المرة اللى جاية هـ نعمل حسابنا.
من الحاجات اللطيفة فى المكان أن ممنوع التدخين، بس الفناء الصغير بـ يقدم أماكن للناس اللى نفسها فى نَفَس أو اثنين.
طاقم الموظفين عدده صغير والحقيقة لازم نشيد بمجهودهم فى الشغل. بـ يميزهم السرعة، والكفاءة والانتباه، زيهم زى تشارلوت صاحبة المكان، اللى بـ تتمتع بحسن الاستضافة. خلاصة الموضوع ببساطة، دى غالبًا كانت من أحسن تجارب الأكل بالنسبة لنا فى القاهرة.

نصيحة 360

احجز من بدرى، علشان فيه احتمال كبير أنك تفضل واقف فى الخارج.

أحسن حاجة

قطعة صغيرة عظيمة من سويسرا.

أسوأ حاجة

العيش!

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح