The Definitive Guide to Living in the Capital , Cairo , Egypt

مهارانى – Maharani

مهارانى: أكل هندى على مستوى فى المعادى

  • شارع 6
  • هندي
  • 01113880980
  • 1 ظهرًا: 11 مساءً
تم التقييم بواسطة
Gaser El Safty
قيم
قيم الآن
مهارانى: أكل هندى على مستوى فى المعادى

المطاعم الهندى الموجودة فى القاهرة تعتبر من أكثر المطابخ عشوائية وعدم ترابط وسط مشهد أكل قاهرى متغير الطباع. صحيح المطبخ الهندى له جمهوره فى العاصمة، لكن تنفيذ الأطباق دائمًا مختلف ما بين الرائع أو السيء جدًا.

لما سمعنا عن افتتاح مطعم هندى جديد فى المعادى، بدون تفكير طلعنا عليه فى أول فرصة. خاصية ثانية من خصائص المطاعم الهندى فى مصر أن كلهم بنفس الشكل؛ كراسى وترابيزات خشب غامقة، إضاءة خافتة، صور ولوحات زيتية من الهند على حوائط المكان، و"مهارانى" ملتزم بالشكل ده لأقصى درجة.

مكانه على شارع 6 العامر بالمطاعم الجيدة، بـ يحتل فيه مهارانى مساحة بسيطة أغلبها كان فاضى وقت زيارتنا. رحبوا بنا على الباب، وصلونا لأماكننا والمنيوهات كانت أمامنا فى لمح البصر. موسيقى البوب الهندى الخارجة من التليفزيون كانت مزعجة شوية، لكن نرجع ونقول أن موسيقى البوب بأى لغة بـ تسبب دوشة نوعًا ما فى المكان.

مسكنا المنيو وبدأنا نشوف مهارانى عامل إيه مع الأكلات الهندى المشهورة؛ استقرينا على فراخ بالزبدة (40 جنيه) وبريانى بالخضروات (30 جنيه). طلبنا كمان من المقبلات Saag Gosht بـ (45 جنيه) وكشميرى بولاو Kashmiri Pullao بـ (40 جنيه)، مع كاراك رولز Karak Rolls بـ (15 جنيه) عيش نان بالزبدة (10 جنيه)، نان بالجبن (15 جنيه) وعصير مانجو لاسّى (15 جنيه).

اندهشنا من سرعة تحضير الأكل واللى استغرق حوالى 20 دقيقة. واحدة من المميزات الجميلة فى المطعم تقديمهم المياه فى أكواب من الصلصال المصقول والبريانى بـ يُقدم فيما يشبه مزهرية مصقولة من الصلصال برضه. بعيدًا عن الأفكار الجديدة فى التقديم، الأكل كان مدهش.

الكاراك رولز وصلت أول حاجة مع المانجو لاسّى. اللفائف كانت عبارة عن خبز ملفوف محشى فراخ وجبن. لو أكلتهم لوحدهم هـ تشعر أن الطعم جاف وعادى، لكن الموضوع بـ يختلف تمامًا لما تغمّسه فى الصوصات. اللاسّى مشروب هندى من الزبادى، غالبًا بـ يكون مملح، لكن فى مهارانى إضافة المانجو قدرت تضيف طعم منعش.

الفراخ بالزبدة كانت من أجمل المرّات اللى جربناها فيها فى حياتنا؛ الفراخ كانت طازجة، نظيفة وطرية، أما الصوص فكان حكاية، وقدر يوصل للتوازن الهائل بين التوابل اللذيذة والدسم. البريانى بالخضروات كان مزيج هائل، ونفس الكلام بالنسبة لخبز النان، اللى وصل ساخن ولذيذ.

بعد ما جرّبنا طبق Sagg Gosht –المكون من مكعبات لحم ضانى بالسبانخ والكارى– ما عرفناش نحدد مين الطبق المفضل بالنسبة لنا. اللحم كان مستوى وطرى، أما السبانخ بالكارى فكانت لذيذة وغنىة بالنكهات زى الفراخ بالزبدة. الكاشميرى بولاو –عبارة عن أرز بسمتى مع فواكة مجففة وكاجو – برضه كان إضافة هائلة للأكلة اللذيذة.

كمية الطبق الرئيسي كانت أصغر من توقعاتنا، لكن جودة الأكل كانت هائلة وكله تمام. مشكلتنا الوحيدة كانت مع المطعم نفسه، تكرار لنفس الشكل التقليدي.

نصيحة 360

مهارانى بـ يوصل! اتصل بـ 01288983786.

أحسن حاجة

صوصات هائلة.

أسوأ حاجة

الديكورات السيئة وموسيقى البوب المزعجة.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح