The Definitive Guide to Living in the Capital , Cairo , Egypt

مطاعم
ميكادو – Mikado

ميكادو: سوشى على السريع فى المعادى

تم التقييم بواسطة
Gaser El Safty
قيم
قيم الآن
ميكادو: سوشى على السريع فى المعادى

إحنا من عشاق واحد من المطاعم الإيطالى فى المعادى بقى لنا فترة. فى آخر مقالاتنا النقدية، تكلمنا عن إل مولينو، واللى بـ يقدم قعدة خارجية منعشة ومريحة، مع أطباق إيطالى أصلي بـ تحاول تبعد عن الشكل المحلى السائد.

بصراحة أول ما سمعنا أنهم افتتحوا مركز للسوشى تحت اسم “ميكادو – Mikado” داخل مطعمهم، شعرنا ببعض القلق.

فكرة ميكادو بـ تعتمد على تقديم سوشى بطريقة سهلة وسريعة؛ من الآخر مش هـ تحتاج تشوف منيو أو حتى تكون فاهم فى أنواع المأكولات اليابانية اللذيذة بأصنافها المختلفة. ميكادو بـ يقدم علب جاهزة مكونة من 10، 20 و40 قطعة بأسعار مناسبة، تقدر كمان تختار ما بين اللفائف أو النيجيرى Nigiri، وهى دى الحاجة الوحيدة اللى ممكن تتحكم فيها.

حبينا نشوف شكل التشكيلة عامل إزاى، ونظرًا لأن الأسعار كانت معقولة جدًا، قررنا نطلب طبق مكون من 40 قطعة من اللفائف (169 جنيه)؛ سعر العشر قطع بـ يكون 59 جنيه والعشرون قطعة 99 جنيه.

الطبق الضخم البلاستيكى بـ يكون معاه اثنين صوص صويا واثنين صوص ترياكى، مع الإضافات المعتادة من الزنجبيل والواسابى. بالنسبة للفائف نفسها، كانت عبارة عن 12 رول من الكابوريا، والسلامون والجمبرى هوسوماكى، مع 28 من لفائف أوراماكى Uramaki مقسمين لأربع قطع من كلٍ من فيلى رولز، وميكادو رولز، وكاتربيلر رولز، ورينبو رولز، وكاليفورنيا رولز، وتاماجو رولز وجرين رولز.

لفائف أوراماكى كان فيها بعض الاختيارات المبتكرة زى التاماجو –لفائف أومليت يابانية– وميكادو رول المكونة من سلامون، ومشروم، وكريمة جبن وكافيار أخضر.

أكيد السوشى كان أرخص بكثير عن باقى مطاعم القاهرة، لكن جودة الأكل تأثرت شوية. الأكل كان طعمه قديم شوية، ومافيش نكهة واضحة، يمكن فى ماعدا صوص الترياكى.

زى ما قلنا قبل كده، السوشى من الأكلات الفخمة، والطريقة السريعة اللى يتبعها ميكادو أفسدت جوهر الأكلة المعقدة نوعًا ما.

على العموم، عندك اختيارات سوشى أحسن، وإن كانت أغلى، منتشرة فى العاصمة، والأكلة دى تحديدًا ما ينفعش توفر فيها. إن لم تكن خلاص تعثرت فى ميكادو، اختيارات المولينو من الأطباق الإيطالية اللذيذة تعتبر اختيار أفضل وأكثر أمانًا.

نصيحة 360

ميكادو بـ يوصل؛ اتصل بـ 01223288854.

أحسن حاجة

الاختيارات محدودة- ممكن نقول أن صوص الترياكى كان هايل.

أسوأ حاجة

الأكل مش طازج.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح