The Definitive Guide to Living in the Capital , Cairo , Egypt

ويسترن تامي – Western Tummy

ويسترن تامي: ستيك لذيذ من المطعم في مول داون تاون القطامية

تم التقييم بواسطة
Omar Yousry
قيم
قيم الآن
ويسترن تامي: ستيك لذيذ من المطعم في مول داون تاون القطامية

يمكن الطفرة اللي بـ نشوفها حاليًا على ساحة مطاعم القاهرة تكون غريبة على بعض الناس، بس أنك تلاقي مكان مميز بـ يقدم طعم مختلف وفكرة جديدة أكيد حاجة هايلة، ومع متابعتنا للمطاعم الجديدة الواعدة، طلعنا على المطعم والبار الخالي من الكحوليات "ويسترن تامي – Western Tummy" الموجود داخل مول داون تاون القطامية في القاهرة الجديدة.

قدر ويسترن تامي بعد افتتاحه في أواخر سنة 2015 واستضافته لحفل محجوز بالكامل في ليلة رأس السنة يصنع قاعدة جماهيرية من أهل القاهرة الجديدة، يتميز المطعم بتصميم بسيط مميز في منطقة الأكل الرئيسية والقعدة الأوت دور -من كراسي رمادي وحوائط من الحجر وأعمدة خشبية- وفي نفس الوقت بـ يحافظ على درجة من الرقي والأناقة في صورة بار معروض فيه زجاجات كبيرة.

أول ما وصلنا لترابيزتنا رحبوا بنا بمشروبات غير كحولية مجانية، عبارة عن عصير تفاح وأناناس وجراندين رمان مع شوية جوز هند على الوش.

بعد ما اتفرجنا على المنيو المطبوعة على ورق الترابيزة، طلبنا طبق تشيلي تشيز فرايز (39 جنيه)، مع الأطباق الرئيسية فيليه بلو تشيز Fillet Blue Cheese بـ (138 جنيه) وطلبنا تسويته Well-Done.

صحيح كمية التشيلي فرايز كانت صغيرة بالمقارنة مع سعرها، بس مافيش كلام أنها من أحلى المرات اللي أكلناها فيها، البطاطس واللحم كانوا تحفة وإضافة الطعم الحراق مع جبن الشيدر عمل نكهة رائعة.

البلو تشيز فيليه اللي معاه ألفريدو باستا فكان غرقان جبنة والطعم المسكّر والحادق الرائع بـ يخليك تاكل بسرعة من جمال الأكل، الألفريدو باستا برضه كانت روعة وغنية بالكريمة والصوص الأبيض، وكمان البلو تشيز أضاف طعم خرافي للطبق.

بعد الأطباق اللذيذة، كنا جاهزين ندخل على الحلو، واختارنا بلوبيري تشيز كيك (36 جنيه)، طعم التشيز كيك كان عادي جدًا، بس صوص البلوبيري الرائع أنقذها وعمل طعم لذيذ.

تجربتنا في ويسترن تامي بشكل عام كانت ممتازة، المطعم بـ يقدم عدد من أجمل أطباق الستيك في القاهرة، وطبعًا اوعى تنسى البار الخالي من الكحول والأجواء الراقية.

نصيحة 360

المطعم فتح قريب، فمن المتوقع أنهم يضيفوا أصناف جديدة للمنيو ويغيروا حاجات ثانية.

أحسن حاجة

الفيليه تحفة.

أسوأ حاجة

مافيش أطباق جانبية غير الباستا أو بطاطس محمرة وسوتيه، صعب كمان تلاقي مكان المطعم.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح